
Hemverê feqîrîya cinîyan têkoşîn: Koperatîfê cinîyanê Dêrsimî 

2022-03-06 14:35:18


	&nbsp;

	&nbsp;

	Melîke Aydin&nbsp;

	&nbsp;

	
		ÎZMÎR - Koperatîfê Cinîyanê Dêrsimî keda da-des cinîyan hewênenê. Xebatkara koperatîfî Pinar Baş da zanayene ke, &nbsp;problemo tewr pîl ê cinîyan feqîrîya û ganî seba berardişî de paştdayîş bidê cinîyan.&nbsp;
	
		&nbsp;


	Koperatîfa Cinîyanê Dêrsimî 19ê Adare de meydanê fuare ya şaredarîya Çîglî de bi stand awan kenê, do ronayena xo îlan bikerê. Xebatkare Pinar Başe destpêkerdişê prosesî de ca girewt, behsê &nbsp;prosesî kerd û bale ante serê betalî û feqîrîya cinîyan. Pinare bale ante serê bedilnayîşê cinîyan ê bi viraştişê xişirî yê Dêrsimî û vat, koperatîf heme qezayê Dêrsimî û heta Îzmîrî xo avêr fîneno.

	&nbsp;

	'Her çî bi sîparîşêke gîşraneyî dest pêkerd'&nbsp;

	&nbsp;

	Pinare bi tewirêke amatorî seba debara xo karkerîyêke rê xişirî viraştê û rotê û gîşraneyêke &nbsp;hetê wayîrê fîrmayî ra yeno ecibnayîş û dima ra ci ra wazenê ke 10 hezarî heb înan rê virazo. Pinare serê nê de şina qezaya Pertegî ya Dêrsimî û 10 cinîyan dir dest bi kar kena. Pinare qeza de îlanan vila kena û pabeyê ke 60 cinî muracat bikerê la 200 cinî muracat kenê Vera nê zî prosesê koperatîfbîyayîşî wina dest pê keno. Pinare da zanayene ke muracatê cinîyan feqîrîya qezayî zî vetî meydan û serê nê de tuta xo zî gêna û şina Perteg ca gêna.

	&nbsp;

	Hewldayîşê şexsî açarya kooperatîf

	&nbsp;

	Pinare dewam de wina vat: “Seba ekonomîya ma têlê kabloyan derzenî viraştiş û ma berardiş wina weçînayî. Dima ra bi modelê newe ma kewtî hewldayîşê vînayîşê fîrmayê newe. Dimayê prosesê di serrî û nîm dima ma qerarê xebatêke binê sîwanê kolektîf de da. Mi hemserekîya komeleya Dêrsimijan kerd. Embazê ma hetkarî da. Ma qerar da ma Kooperatîfê Cinîyanê Dêrsimî ya Îzmîrî awan bikerê. Dimayê serrêke ma kooperatîf awan kerd."

	&nbsp;

	Pinare bal ant serê betalî û wina vat: "Paştdayîşê karî tena ekonomî nîyo. Wendekarêke mi esta hewcedarîyê aye ekonomî esto. Vana ke ez nêwazena keye de roşî. Cinîyê ke problemê înan yê psîkolojîk bîbî nê prosesî de dermanê xo kêm kerdî, hîn kesî zî bi pêroyî veradayî.”

	&nbsp;

	‘Xeylêk cayan Merkezê Perwerdeyê Şarî estê la kar çin o'

	&nbsp;

	Pinare wina qal kerd: “Uca de îstîhdamê cinîyan çin o. Xeylêk cinîyê uca Merkezê Perwerdeyê Şarî de sertîfîkayê viraştişê kîlîm, sifir, ramitiş û tekstîlî girewtê. La kar çin o. Nika ma hewl danê ke bi 8-9 cinîyan dir çente û şebqeyan viraznê. Cinî xeylêk serkewte yê. 55 cinî estê la zanayîşê înan cîya yo. Cinîyan xo tena hîs kerdêne. La na xebate dir xobawerîya înan zêde bî."

	&nbsp;

	'Ganî hemverê feqîrî projeyan aver berê'

	&nbsp;

	Pinare vat, feqîrî û betalî seranserê Dêrsim de esto û ganî hemverê feqîrî proje bêrê averşîyayîş. Kooperatîfê ma do 19ê Adare de Meydanê Fuarê Şaredarîya Çîglî standê xo awan bikero. Akerdişê xo zî do uca de îlan bikero.

	&nbsp;