
Cizîr de bi beşdarbîyayîşê seyan cinîyan şahî ameye kerdene 

2022-03-06 14:33:26


	&nbsp;

	&nbsp;

	ŞIRNEX - TJA û Meclîsê Cinan ê HDPyî, bi minasebetê 8ê Adare Cizîr de bi coş û kelecanêke pîl bi tewrbîyayîşê seyan cinîyan şahî ameye organîzekerdiş.

	&nbsp;

	Tevgerê Cinîyan ê Azadan (TJA) û Meclisê Cinan ê Partiya Demokratîke ya Şaran (HDP), bi minasebetê 8ê Adare Roja Cinîyan ê Dinya qezaya Cizîrî ya Şirnexî de bi sloganê “Dem demê azadîya cinîyano” şahî ameye kerdiş û seba ziwanê dayîke dimayê şahî do rayrayîş bêro kerdiş. Vernîya rayrayîşî şahiya ke verê awanîya HDPyî ya qeza bêro kerdiş de Parlamentera HDPyî ya Şirnexî Nuran Îmîr, endam û îdarekarê HDPyî yê merkezî û qezayan û bi seyan cinî bi cilanê xo yê kurdî tewr bî.

	&nbsp;

	Cinîyan bi coş û kelecanêk pîl û bi sloganê “Cinî, ciwîyayîş azadî” ke berz kerdî govenda xo kerdî. Cinîyan wextê kerdişê govende de alanê TJAyî berz kerdî û bi tilîliyan govenda xo geş kerdî.

	&nbsp;

	Dimayê şahîye do hemverê asîmîlasyonê serê ziwanê dayîke rayrayîş bêro kerdiş.

	&nbsp;