Keyeyê Şenyaşarî bale ant serê serrgera ‘Nobeta Edaletî’ 

2022-03-05 14:11:55


	 

	RIHA - Emîne û Ferît Şenyaşar roja 362in ê "Nobeta Edaletî" de bale ant serê serrgera "Nobeta Edaletî" û vatî: “Bêrê ma serrgera yewin de heme pîya vajê, Riha de huqûqê serdestan peynî bibo."

	 

	Vernîya weçînayîşê 24ê Hezîrana 2018in qezaya Pirsûsî ya Rihayî de 14ê Hezîrana 2018 de merdim û pawitoxê Parlamenterê AKPyî Îbrahîm Halîl Yildiz hêrişê ferdê keyeyê Şenyaşarî kerdî û hîrê ferdê keyeyî kiştî. Emîne Şenyaşar û lajê xo Ferît Şenyaşar (Keyeyê Şenyaşarî) seba dewa de edalet bi ca bêro û dosyeya qetlîamê verê Nêweşxaneyê Dewlete ya Pirsûsî bêro akerdiş, 9ê Adara 2021 de verê Edliyeyê Rihayî de Nobeta Edaletî gênê. Nobeta Edaletî ya Keyeyê Şenyaşarî roja 362in de dewam keno. Seba ke ewro edliye padeye ya, Emîne û Ferît Şenyaşar keyeyê xo yê  qezaya Pirsûsî de nobete dewam kerdî. 

	 

	Vengdayîşê seba serrgera ‘Nobeta Edaletî’

	 

	Keyeyî serê hesabê xo yê Twitter de vengdayîşê beşdarîyê serrgera yewin ê nobeta xo kerd û vat: “Roja çarşeme 9ê Adare de serrgera yewin ê Nobeta ma ya Edaletî ya. Tu bawerîyêke serê rîyê erdî de zilm qebûl nêkena. Dadîyêke serrêke yo verê Edliyeyê Rihayî de gêrena û vana, ‘Edalet ça de yo? Çaw dewleta huqûqî?’ Bêrê ma serrgera yewin de heme pîya vajê wa Riha de huqûqê serdestan peynî bibo.”