Nobeta Edaletî roja 360ine de ya: Dîmenî arşîvê dewlete de yê 

2022-03-03 15:35:09


	 

	RIHA - Ferît Şenyaşar dadîya xo Emîne Şenyaşare dir têkoşîna xo ya edaletî domnenê, têkilîya diznayîşê dîyayîşkîyê nêweşxaneyî yê qirkerdişî wina vat: "Dîyayîşkîyê verê nêwexaneyî di arşîvê dewlete de yê. Ê ke qetilkerdiş kerdê eşkerayê." 

	 

	Nobeta Edaletî ya Emîne û lajê aye Ferît Şenyaşarî 9ê Adare ya 2021î ra verê Edlîyeyê Rihayî de dayo destpêkerdişî roja 360ine de dewam kena. Emîne û Ferît Şenyaşarî no şefeq zî qezaya Pirsûsî ra, verê xo dayî vernîyê Edlîyeyê Rihayî. Keyeyî vernîyê edlîyeyî de dest bi nobeta xo kerd. 

	 

	Ferît Şenyaşarî derheqê manîkerdiş û zorîyê seranserê Nobeta Edaletî ke ci dir rî bi rî mendê, qisey kerd û vat: "Dewaya kargehê ma de sîlehê birayê mi vindî kerdî. Nika seba ke dosyaya nêweşxaneyî abibo, serrê ke yo ma nobeta edaletî de yê. Qerarê nimitkîyî esto. Goreyê belgeyêke vejîyawo meydan ke, dîyayîşkîyê nêweşxaneyî ameyê diznayîş û vindîkerdiş. Ma zanenê ke dîyayîşkîyê nêweşxaneyî arşîvê dewlete de yê. Ê ke qetlîam kerdê, eşkerayê. 7 persêrî ke ro dewaya çîyê verê Nêweşxaneya Dewlete ya Pirsûsî qewimîya yê ma ra vatî,  ' Ma dîyayîşkîyî seyr kerdê û 23 merdimî tesbît kerdê'.  Tayînê nê persêran vetî. Nika zî nê persêrê ke nê dosyayan nêkenê a, sûc kenê.  Heta ke edalet bêro ca, ma do dest têkoşîna xo ra vera nêdê.

	 

	Keyeyî serê hesabê xo yê Twitter de zî nê mesajî pare kerd: “Yê ke binê versîya hîn kesê bînan de bistar bîyê û hukmî pasîf kenê, wa bizanê a versîye mehkûmê rijnayîşî ya. Dozgerî vano ke dîmenê kameraya nêweşxaneyî ‘çin a’ dewlete zî vana, ‘arşîvê ma da yê.’ Helbet do rojêke berê xêrî abibo.”