Dêrsim seba 8ê Adare amade yo 

2022-03-03 09:25:40


	 

	 

	DÊRSIM - Esma Ataş ke îdarekarîya HDPyî ya Dêrsimî de ca gêna, dîyar kerd ke bi coşêk pîl xo seba 8ê Adare amade kenê û vengdayîşê tewrbîyayîşê heme cinîyan kerd.

	 

	Sey her serre zî heme bajarê herême û Tirkîya amadekarîyê 8ê Adare bi rojan verê dest pêkerdî û dewam kenê. Yew bajarê ke bêmabên xebate yena kerdiş Dêrsimî.  Esma Ataş ke HDPyî ya Dêrsimî de ca gêna, bale ant serê girîngiyê rêxistine û têkoşînê cinîyan û vat,  bi coşêke pîl xo amade kenê. 

	 

	‘Cinî xo rêxistin bikerê’ 

	 

	Esmaye dîyar kerd ke cinî bi serran o her tewirê şîdet û teda rê yenê rî bi rî û vat: "Vîyarte ra heta ewro cinî ameyê çinkerdiş, bi her tewirê hêrişî dir ameyî rî bi rî û  zordariyan cinîyan bi xoverdayîşê xo cewabê xo dayê. Ma bi xoverdayîş û têkoşînê rêxistinê xo pîl kenê. Ma cinî do hişmendîyê xo zêdeyêr bikerê. Ma do wareyan de vengê xo hemverê nê zulmî berz bikerê. 

	 

	'Ma hêz Zarîfe û Besêyan ra gênê'

	 

	Esma dîyar kerd ke do cinîyê Dêrsimî bi coşêke pîl wareyan de bê û wina vat: "Ma cinîyê Dêrsimî rihê têkoşînê xo Zarîfe û Besêyan ra gênê. Seba nê ma do wareyan de seba têkoşînê xo hîn zêde pîl bikerê do biqîrê. Bi taybet demê peyîn de xoza û pîrozîyê Dêrsimî yenê talankerdiş. Hemverê nê hêrişan de ma do 8ê Adare de vengê xo berz bikerê."

	 

	Bernameyê 8ê Adare

	 

	Besê derheqê plansazîyê Dêrsimî de zî wina vat: "Ma seba emzanê xo yê cinîyan qert amade kenê. Ma îlanê xo bi Tirkî û kirmanckî amade kerd. Ma îlan û pankartan bajar de vila kerdî û daliqnayî. Ma do şêrê serdayîşê keyeyanê xo. Ma do taxan de bi cinîyan dir kombîyayîş bikerê û sohbetan bikerê. Ma cinîyê Dêrsimî do 8ê Adare de wareyan pirr bikerê û bibê vengê cinîyanê ke ameyî qetilkerdiş. Ma do persê Gulîstan Doku ça de ya dewam bikerê. Ma veng danê heme cinîyan ke a roje wareyan de bê."