
Mexmûr de semînerê 8ê Adare

2022-03-02 15:58:15


	&nbsp;

	MEXMÛR - Çarçewaya çalakîyê 8ê Adare de Wargehê Multecîyan ê Mexmûrî de semînerêke ame viraştiş.

	&nbsp;

	Wargehê Multecîyan ê Şehîd Rustem Cudî (Mexmûr), bi minasebetê 8ê Adare semînerêke awanîya Sazgehê Keyeyê Şehîdan de ame kerdiş. Semîner de endamê Koordînasyonê Meclîsê Îştarî Fadîle Tok qisey kerd.

	&nbsp;

	Fadîle, destpêkê qiseykerdişê xo de &nbsp;8ê Adare Rayberê PKKyî Abdullah Ocalan û tevgerê azadîwaşt û heme cinîyê dinya pîroz kerd. Fadîle semîner de serê tarîxê 8ê Adare vindert û vatt: "Serra 1857 de Amerîkayî de fabrîqeyêke cil û bergan de 129 karkerê cinî ameyî veşnayîş. Seba ke karkerê cinî hemverê zilm û nêheqî de sere nêtewênayî bi hawayêke wehşet ameyî qetilkerdiş. Serrê 90î de zî Almanya, Amerîka û Rûsya de xeylêk xopêşandanê cinîyan kerdî û cinî xebatê sendîkabîyayîş de kerdî. &nbsp;Sewbîna Awropayî de 8ê Adare wareyan de bi hawayêke sembolîk yeno pêşwazîkerdiş."

	&nbsp;

	Fadîle, dewam de wina vat: "Demo ke merdimî kokê rastî û têkoşînê cinîyê kurdan bigîrê dest, şorişê azadîye yê PKKyî ke demê awankerdişê PKKyî de Sakîne Cansiz rayberîya tevgerê YJAyî kerda tewr zêde 8ê Adare seba cinîyê kurdî pîl kerd."

	&nbsp;

	Fadîle, tewr peyîn wina vat: "Tewr zêde partîya ma serê hîmê bingehîn yê cinîyan, tevgerê xo pîl kerdo. Bi fikr û felsefeyê Rayber Apo xeylêk partî û sazgehê cinîyan ameyî awankerdiş, no zî dano dîyar kerd ke cinî eşkenê bi xo bi rêxistin bikerê û bibê wayîrê îrade."

	&nbsp;