Edene de bi keda cinîyan seba 8ê Adare xo amade keno 

2022-03-01 14:43:27


	 

	Derya Ren

	 

	EDENE - Amadekarîyê 8ê Adare Roja Cinîyan ê Dinya her ca de dewam keno û yew nê bajaran ra zî Edene yo. Endama Meclîsê Cinîyan ê Edenî ya HDPyî Sanîye Seçgîn veng da cinîyan ke hemverê tacîz, tecawuz, qetilkerdiş û şerî, meydanan de vengê xo berz bikerê.

	 

	Cinî sey her serre, emsar zî bi çalakî û bernameyê cîya 8ê Adare pêşwazî kenê. Cinî, têkoşînê cinîyanê meydanan, keye, kargerî, fabrîkayan bi  rihê 8ê Adare danê ramojnayîş. Edene de zî cinî do seba waştişanê xo meydanan de bê.

	 

	Endama Meclîsê Cinîyan ê Edenî yê HDPyî Sanîye Seçgîn derheqê xebatê bajarî de qisey kerd.

	 

	‘Ma hêzê xo Sakîneyan ra gênê’

	 

	Sanîye dewam de wina vat: “Roje de 3-4 cinî yenê qetilkerdiş. Cuya ma roj bi roje tewr zehmet beno. Krîzê ekonomî, tedayê komelî, wedaritişê qanûnê ke cinîyan pawenê, rewşe zaf zehmet kerda. La ma cinî vera her tewir teda têkoşîn kenê. Ma teda qebûl nêkerd. Ma hêzê xo Clarayan, Rosa, Sakîne û Pakîzeyan ra gênê."

	 

	‘Ma do bieynî coş wareyan de bê'

	 

	Sanîye vat, rojeva înan sereyîn tecrîd, rewşa tepişteyê cinîyan, wedaritişê Pêkerdişê Stenbolî û hêrişê hemverê herêma Kurdan o û vat, "Do cinî tu wext bêveng nêmanê, do bêveng nêmanê û bi coşêk pîl wareyê 8ê Adare de bê.  Sanîye vat, hedefê înan oyo ke embazê xo yê tepişte azad bikerê."

	 

	‘Ma her tim aştîyêk bi rumet waşt’

	 

	Sanîye wina vat, îşxalkerdişê Ukraynayî yê hetê Rûsya ra yeno kerdiş û dîyar kerd ke tu cayê dinya  bibo bedelê tewr giran ê şerê cinî û tutî danê. Sanîye vat, cinîyan her tim aştîyêke bi rumet waşto û wina vat: "Hemverê qirkerdiş, tacîz, tecawiz û şer ma wareyan de vengê xo berz bikerê."

	 

	‘Xeylêk metodê têkoşînî estê'

	 

	Sanîye tewr peyîn wina vat: "Ma do startê awanîya xo ya Yuregîrî bidê. 2ê Adare de ma kartan şawenê tepişteyê cinîyan rê. 3ê Adare de do roja îmzeyan yê kitabê ‘Rengê mor yê siyasetê Kurdî’ yê Gultan Kişanake bêro kerdiş. 4ê Adare de ma do bi HDKyî rê şêrê serdayîşê Dadîyên Aştîye. 5ê Adare de ma do verê zîndanê cinîyan ê Tarsusî de eşkerayîyêk bidê. 6ê Adare de Pirda Kasim Bîler heta Meydanê Îstasyonî do rayrayîşêk bibo. 8ê Adare de ma do verê bînaya HDPyî ya Ceyhanî de bernameyêk bikerê û şan de zî  bi Platformê Cinîyan ê Edenî dir rayrayîşêk bikerê."