
'Eke edalet çinbo, komel binê tedayê zaliman de yo' 

2022-02-27 15:04:34


	&nbsp;

	&nbsp;

	RIHA - "Nobeta Edaletî" ya Emîne û Ferît Şenyaşar verê edliyeyê Rihayî roja 356in de dewam kena. Emîne û Ferît serê hesabê medyaya dîjîtale de wina vat: "Eke edalet çinbo, komel binê tedayê zaliman de yo."

	&nbsp;

	"Nobeta Edaletî" ya keyeyê Şenyaşar ke 14ê hezîrana 2018ine de 3 ferdê ci hetê pawitox û merdimê Parlamenterê AKPyî yê Rihayî Îbrahîm Halîl Yildiz ra ameyî kiştiş û 9ê adara 2021 de verê Edliyeyê Rihayî de destpêkerd roja &nbsp;356ine de dewam kena. Seba ke peynîya hewteyî yê Emîne Şenyaşar û lajê xo Ferît Şenyaşar nobeta xo keyeyê xo yê qezaya Pirsûsî de dewam kenê.

	&nbsp;

	Keye, serê hesabê xo yê twîter de hesabê Wezîrê Edaletî Bekîr Bozdag û Wezaretê Edaletî etîket kerd û vat: "Welatêk ke hukm xoser nêbo, tena kesê ke tepişteyê ney, pêro komel binê tedayê zaliman de yo. Keso ke rizayê nîşanî zilmî dano, sey kes zilm keno yo."

	&nbsp;