Reaksîyonê hemverê helwestê NYyî: Berjewendî serê heqê merdiman ra yenê girewtiş

2022-02-17 15:21:02


	 

	 

	STENBOL - Hemsereka ÎHDyê Stenbolî Gulseren Yolerî bêvengîya NYyî yê vera hêrişê TSKyî ke hemverê Mexmûr, Şengal û Bakur û Rojhelatê Sûrîye rexne kerd û vat: "NY babete de heqê merdiman, demokrasî de berpirsyarî dano welatan la ewro ma vînenê ke yenê peygoşkerdiş. Têkiliyê berjewendî de eşkenê bikewê corê erjê demokrasî û merdimayî.”

	 

	Teyareyê şerî yê Hêzê Çekdarî yê Tirkî (TSK) 1ê Sibate de saetê şanî de bi hawayêke hemdem Şengal, Mexmûr û bajarê Dêrikî yê Vakur û Rojhelatê Sûrîye hewa ra bombavaran kerd. Hêrişî hema zî dewam kenê û yew 9ê sibate de Amûd de, yo bîn 13ê sibate de Eyn Îsa, tewr peyîn 15ê sibate de Til Rifet ame kerdiş. Netîceyê hêrişan de xeylêk kesî dinyaya xo bedilna. Kampa multecîyan yê Mexmûrî binê pawitişê NYyî de yo. La hemverê hêrişan NY bêveng o. Seba bêvengîya NYyî ame rexnekerdiş. Hemsereka Komeleya Heqê Merdiman (ÎHD) ê Stenbolî Gulseren Yolarî helwestê NYyî rexne kerd û wina ajansê ma rê qisey kerd.

	 

	‘Îqtîdarêko kaos ra wey beno esto'

	 

	Gulserene vat, sey komele bi serran o seba aştî bi ca bêro, pêrodayîşî vindaryê veng dayê dewlete û komelî kerd û vat: "Îqtîdarêk o şer û kaos ra wey beno esto. Çîyê ke yenê ciwîyayîş, êdî sînor derbas kerdo. Bi fehmê ke herra welatê bînî îşxal bikerê, têgêrenê. Seba serdestî awan bikerê, şîdet heq vînenê. Netîceyê nê şîdetî de seba kesê ke dinyaya xo bedilnenê zî vatişê nefretî yenê xebitnayîş. Seba kesê ke ameyê qetilkerdiş, vanê terorîst. Kanalê Tirkî de dîmenê nê hêrişan danê. Kesê ke temaşe kenê zî zanê ke sivîlî zirar vînenê. Pêwa nê veng tu kesî ra nêvejîya."

	 

	‘Helwestê NYyî welatê bînan ra cîya nîyo'

	 

	Gulserene dewam de vat: “Uca de polîtîkayêke dewlete seba awankerdişê serdestî, kerdê cuye. Helwestê NYyî hemverê na rewşa, welatê bînan ra cîya nîyo. NYyî de nuqteyê zaf girîngî yê ke ser de vindenê estê. Seba aştî û demokrasî, heqê merdiman berpirsyarî dano dewletan. La ma vînenê ke nê nuqteyî yenê peygoşkerdiş. Têkiliyê berjewendî eşkenê vejîyê serê erjê heqê merdiman û demokrasî."

	 

	‘Yê ke probleman awan kenê çira safî bikerê'

	 

	Gulserene tewr peyîn wina vat: “DAIŞ newe ra gane beno la kes vernîya ci nêgîno. Wareyê merdiman yenê wêrankerdiş. Kes veng nêvejêno. Nê wehşetî verê çimanê heme kesî de yenê kerdiş. Konseyê Ewropa û NY karê xo nêkenê. Esas de yê ke nê kenê zî nê dewlet ê. Seba nê zî persa, 'Çira no problem bêro safîkerdiş' zî vejîyeno vernîya ma. Ganî komelê mîyanneteweyî hemverê nê hêrişan de vengdayîşê tevgerê NY bikero. Eke ê çîyêk nêkenê, komel eşkeno bikero. Hewcedarî bi averşîyayîşê tevgerê sivîl esto. Bi nê hawayî eşkenê bi NYyî peyser game bêro eştene. Ganî sînorên têkoşînî bêrê hîrakerdiş."