Îpek Ateş dinyaya xo bedilnaye 

2022-02-11 15:05:10


	 

	 

	MERKEZÊ XEBERAN - Îpek Ateş ke dimayê darbeyê 12ê Êlule 1980 de şina serdayîşê lajê xo yê zîndan de yo û nêeşkena bi kurdî qisey bikero, dinyaya xo bedilnaye. Seba ke o wext zîndanan de qiseykerdişê bi kurdî qedexe bi, Îpeke tena eşkayîne bi tirkî bivatêne "Kamber Ateş ti senîn ê?". Îpeke bî sembolê ê wextî.

	 

	Darbeyê leşkerî yê 1980 de Kamber Ateş Zîndanê Mamakî de tepiştebi. O wext qiseykerdişê bi kurdî qedexe bi. Coka bi lajê xo dir tena bi cumleya, "Kamber Ateş ti senîn ê?" qisey kerdib.

	 

	Dayîka Kamberî Sêwas ra amebî zîndan û amebî serdayîşê lajê xo, bi çend çekuyê ke zanayîne pers kerdib.

	 

	Mîyanê şerdê ê wextî de wina bi:

	 

	Îpeke: Kamber Ateş ti senîn ê?

	 

	Kamber: Baş a dayê, ti senîn a? Babî mi, memleket senîn o?

	 

	Îpeke: Kamber Ateş ti senîn ê?

	 

	Kamber:Dayê weşîya to û sihetê to senîn o? Raywanî senîn derbas bî?

	 

	Îpeke: Kamber Ateş ti senîn ê?

	 

	Kamber: Birayê mi, cîranî senîn ê?

	 

	Îpek: Kamber Ateş ti senîn ê?