
Bîrsen Kars do Goristanê Gazîyî de bêra definkerdene 

2022-02-10 15:23:06


	&nbsp;

	&nbsp;

	STENBOL - Cenazeya Bîrsen Karse ya ke Qirkerdişê 19ê Kanûne ra bi hawayêko giran birîndar xelisîya û Almanya de tedawîya rîşa merdimwere dîyêne binê ablûqaya seyan polîsan de ardî Cemxaneyê Gazî. Bîrsene do Goristanê Gazîyî de bêra definkerdene.

	&nbsp;

	Bîrsen Karse operasyonê 19-22ê Kanûna 2000î ê vera zîndanan sey ‘Operasyonê Agêrayîşê Cuye’ bi name kerdbî. Bîrsena ke Almanya de tedawîya rîşa merdimwere vînayêne dinyaya xo bedelna. Komeleya Komeleya Huqûqnasanê Hemdemî û Baroya Huqûqî ya Şarî dîyar kerdî ke cenazeya Bîrsene ya ke resaya Stenbolî, berdî Dezheyê Tibê Edlî (ATK).

	&nbsp;

	Cenaze teslîmê avukatanê keyeyî ame kerdene

	&nbsp;

	Buroya Huqûqî ya Şarî vat ke cenaze vizêr şew saet 01.00î de teslîmê avûkata keyeyî Seda Şaraldîye ameya kerdene. Buroya Huqûqî ya Şarî da zanayene ke merdimê Bîrsene wexto ke waştî derbazê Cemxaneyî bibî cigêrayîşê sere înan ser de ameyo ferzkerdene û wexto ke şar reaksîyon nîşanê caardişan dayo 20 tenî ameyî destbendkerdene. Ê ke ameyî destbendkerdene berdî Merkezê Polîsan ya Gazî û heta nê saetan aqubetê înan nêame zanayene.

	&nbsp;

	Do Goristanê Gazîyî de bêra definkerdene

	&nbsp;

	Cenaze do Goristanê Gazîyî de bêra definkerdene. Avûkate Seda Şaraldî ya ÇHDyî vat ke do Bîrsene Goristanê Gazîyî de bêra definkerdene.&nbsp;

	&nbsp;