
Tepişteyo 13 serrî yo zîndan de yo 4 serrî înfazê ci ame veşnayîş 

2022-02-10 14:30:32


	&nbsp;

	&nbsp;

	Şîrîn Çinar

	&nbsp;

	AMED - Dayîka tepişteyê bi nameyê Bekîr Kaydu ke 13 serrî yo tepişte yo, Fatma Sadunoglu dîyar kerd ke 4 serrî yo înfazê lajê ci ameyo veşnayîş û waştiş kerd ke lajê ci bêro veradayîş.

	&nbsp;

	Tecrîdê serê Rayberê PKKyî Abdullah Ocalanî dewam keno û &nbsp;binpaykerdişê heqan yê zîndanan zî her ke şino giran beno. Bi caardişê kêfî yê hemverê tepişteyan, înfazê înan yeno veşnayîş. Yew nê tepişteyan ra tepişteyo bi nameyê Bekîr Kaydu yê 13 serrî yo tepişte yo û zîndanê Tîpê L yê Turkoglu Mereşî de tepişte yo, pêwa cezaya ci qedyaye zî bi bahaneyê cezaya dîsîplînî, 4 serrî cezaya ci ame veşnayîş.

	&nbsp;

	Dayîka Bekîr Kaydu, Fatma Sadunoglu bale ant serê binpaykerdişê heqan û vat, ganî lajê ci bêro veradayîş.

	&nbsp;

	‘Destûr nêdanê pêvînayîşî akerde'

	&nbsp;

	Fatma dîyar kerd ke lajê ci 13 serrî tepişte yo, nê prosesî de 4 reyan ameyo surgunkerdiş û wina vat: "Demo ke newe ame tepiştiş, berdî zîndanê Amedî. Dima ra berdî Edîrne û uca ra zî berdî Bandirma. Tewr peyîn surgunê Mereşî kerdî. Semedo ke mehrê min ê fermî çin o, nêverdenê ez şêrî pêvînayîşê akerde. Tena seba pêvînayîşê girewte destûr danê."

	&nbsp;

	‘Pêwa ceza ci qedîya 4 serrî înfazê ci veşnayî'

	&nbsp;

	Fatma vat, seba ke Bekîr hemverê binpaykerdişê heqan vejîyayo, înfazê ci veşayo û wina vat: "Pêwa cezaya ci qedîya, 4 serrî înfazê ci veşnayî. Bahaneyê ci zî kewtişê grevê vêşanîye, serewedaritişê vera &nbsp;kamerayê ke ameyê bicakerdişî yê. Ma muracatê her cayî kerd, la pêwa her çî vera nêdayî."

	&nbsp;

	‘Ma zanê ke zulm û teda yenê kerdiş'

	&nbsp;

	Fatma dewam de wina vat: “Tedayê serê tepişteyan dewam kenê. Lajê mi vîrê mi ra nêşino. Lajê mi problemanê xo ma rê nêvano. La ma zanê tedayan bi înan kenê. Ma nêwazenê nê zilm û teda înan rê bêro kerdiş."

	&nbsp;

	Fatma tewr peyîn wina vat: "Pêwa sucê tutanê ma çin o, tepiştê. Lajê mi nêweşê gurçikan o. Nêbenê nêweşxane derman nêkenê. Keyeyê ke sena nê nobete gênê estê. Wa nêweşî bêrê veradayîş. Wa înfazê tepişteyan nêro veşnayîş."

	&nbsp;

	&nbsp;

	

	&nbsp;