
Merdimê tepişteyan: Ma do bibê vengê tepişteyan 

2022-02-10 13:45:30


	&nbsp;

	&nbsp;

	Sema Çaglak

	&nbsp;

	MÊRDÎN - Merdimê tepişteyan seba rewşa tepişteyan, vengdayîşê hîsgêrî kerdî û dîyar kerdî ke ganî &nbsp;her kes bibo vengê tepişteyan û tecrîdê serê înan qebûl nêkero.

	&nbsp;

	Zîndanan de binpaykerdişê heqan her ke şino zêde beno. Tepişteyê sîyasî zîndanan de binê şert û mercê xirab de têkoşînê cuye danê. Tepişteyî hetê weşîye, tedawîkerdiş, asayîş û pakitî de probleman ciwîyenê û rexmê nêrazîbîyayîşan zî nê problemî nînê çareserkerdiş. Pêwa nê şert û mercê giranan mîyanê aşmêke de 8 tepişteyan dinyaya xo bedilna. Keyeyê tepişteyan seba rewşa tepişteyan vengdayîşê hîsgêrî kerdî û wazenê tepişteyî serbest bêrê veradayîş.

	&nbsp;

	‘Heme heqê înan yeno binpaykerdiş'

	&nbsp;

	Yew ê tepişteyan ra ke binê şert û mercê xirabî de yenê tepiştiş zî Delîl Ûfak ke Zîndanê Tîpê Tyê Hûmara 2yê Bandirmayê Balikesîrî de maneno yo. Dayîka, Delîlî Semîre Ufak dîyar kerd ke îşkenceyê tepişteyan her ke şino zêde beno û vat: "Delîl 7 serrî yo tepişte yo. Gama ke ame tepiştiş, destpêk de ey berdî zîndanê Rihayî. Uca ra zî surgunê Zîndanê Osmanîye kerdî û nika zî zîndanê Bandirma de maneno. Her ke şino îşkence û tecrîdê serê tepişteyan tewr zêde beno. Cayê înan baş nîyo. Lajê mi gama bi telefon ma dir qisey keno, serê şert û mercê zîndanî de nêrazîbîyayîşê xo ano ziwan. Hacetê ke lazimîyê înan pê înan esto, yenê desteserkerdiş. Cayê înan serd o û xeylêk tepişteyê nêweşî estê. Her tim erzîyeno serê qawişanê înan. Ne radyo, ne rojname, ne zî mektube înan rê yenê dayîş. Heme heqê înan yenê binpaykerdiş. Tepişteyî binê tecrîdêk zaf giran de yê. Têkiîyê tepişteyan teberî dir qut kerdê."

	&nbsp;

	‘Seba pêvînayîşî ma di rojan rayîr de şinê'

	&nbsp;

	Semîre dewam de wina vat: "Zîndano ke lajê mi ci de maneno, ma rê zaf dûrî yo. Mêrdeyê mi 3 serrî yo nêeşkeno şêro pêvînayîş. Mi zî tewr peyîn par lajê xo dî. Seba ke ey bişawê cayêkê nêzdî, ma xeylêk waştişname dayî. La bêcewab verdenê. Ma di rojan rayîr de şinê. Wa tepişteyan vera bidê. Wa heme tepişteyê nêweşî yê giranî serbest bêrê veradayîş. Tepişteyê nêweşî êdî nêeşkenê lazimîyê xo yê bingehîn zî bi ca bîyarê. Qawişa Delîlî de 6 embazê ci yê nêweş ê giran estê."

	&nbsp;

	'Ma do bibê vengê tepişteyan'

	&nbsp;

	Semîre tewr peyîn wina vat: "Bi çend mengî yo, qaşo pêvînayîşê akerde serbest kerdê, la reyna zî nêverdenê ke ma destê xo bi yewbînan bikerê. Waştişê mi seba pêro keyeyan oyo ke wa wayîrê tepişteyan vejîyê. Tepişteyî destê înan de yê û ganî vera nê tedayan wijdanê ma qebul nêkero. Ganî ma bibê vengê tepişteyan. Wa pêro keyeyî verê tutanê xo de bê."

	&nbsp;

	‘Di rey krîzê qelbî derbas kerdo'

	&nbsp;

	Yew tepişteya nêweşe zî Medya Aslan ke 4 serrî yo Zîndanê Cinîyan ê Qeyserî de manena ya. Xala Medya, Feleknas Aslan serê rewşa ci de qisey kerd û wina vat: “Wexto ke Medya ameye tepiştiş, Wan de bî. Nika zîndanê Bunyanî yê Kayserî de tepişte ya. Medya zî tepişteya nêweş a. Di rey krîzê qelbî derbas kerd. Nêweşîya aye yê helmî û bronşîtê ci esto. Dermanê ci nînê dayîş û nîna tedawîkerdiş. Ma seba weşîya ci xeylêk endîşeyîn ê. Bi hezaran tepişteyê sey aye estê. Serê înan de tecrîdêk pîl esto. Sewbîna tewir tewir mehnayan ra cezaya dîsîplînî danê înan. Vernîya korona ma şî pêvînayîşê ci û ma reyke aye dî. Qawişa aye de xeylêk embazê aye sey aye estê. Ma nêwazenê zîndanan ra cenazeyî vejîyê. Ma wazenê heme tepişteyî bêrê veradayîş."

	&nbsp;