Ayşe Gokkan û hîrê cinîyê bînî nêweşîya koronayî kewtî  

2022-02-09 14:42:27


	 

	 

	AMED - Zîndanê Cinîyan ê Amedî de 4 cinîyê tepişteyî nêweşîya koronayî kewtî.

	 

	Vervatoxa Demî ya Hereketê Cinîyan ê Azadan (TJA) Ayşe Gokkan, aktîvîsta TJAyî Zelal Bîlgîn, Jîyan Arikboga û Feyza Aksoy (60)ê ke Zîndanê Cinîyan ê Amedî de yê nêweşîya koronayî kewtê.

	 

	Ame dîyarkerdiş ke gardîyanan kesê ke seba pêvînayîşî şîyê zîndan ra vato: "Ma melûmat nêdayo keyeyanê cinîyê ke bi korona kewtê, şima malûmat bidê înan."

	 

	Sewbîna ame îdîakerdiş ke gardîyanî zafêr nizdîyê tepişteyan benê, bizmik û lepikan nêdanê tepişteyan coka nê ganî bêrê pawitişî, nînê pawitişî û kesê bi korona kewenê hûmara înan zafêr bena. Sewbîna ame dîyarkerdiş ke, gardîyanê bi koronayê zî serê wezîfeyî de yê û mîyanê tepişteyan de yê.