Welatijê ke bodrum de ameyî qetilkerdiş ameyî yadkerdiş  

2022-02-07 14:40:07


	 

	ŞIRNEX - Rêxistinê HDPyî yê Cizîrî, welatîyê ke bodrum de ameyî qetilkerdiş, bi bernameyêke ameyî yadkerdiş.

	 

	Dimayê îlankerdişê îdarekerdişê xoserî yê Cizîrê Şirnexî 14ê adara 2015an de, qedexeyê tebervejîyayîşê kuçeyan ame îlankerdiş. 7ê sibata 2016 de bodrum de bi seyan kesî dinyaya xo bedilnayî. Rêxistinê Partîya Demokratîke ya Şaran (HDP) yê Cizîrê Şirnexî derheqê serrgera 6in ê qirkerdişî de eywanê bînaya HDPyî de bernameyêke vîrardişî organîze kerdî. Parlamenterê HDPyî yê Şirnexî Nuran Îmîr, Huseyîn Kaçmaz û Hasan Ozguneş, aktîvîstê Tevgerê Cinîyan ê Azadan (TJA), endamê Meclîsê Dayîkan ê Aştîye, endam û îdarekarê HDPyî yê merkez û qezayan tewrê bername bî.

	 

	Salone de pankartê nameyê kesê ke dinyaya xo bedilnayî bi sernameyê “Lehengê Cizîra Botan” ame daliqnayîş. Bername bi rêzgirewtişî dest pêkerd.

	 

	Sere de Hemsereka HDPyî ya Cizîrî Zîlan Ecevît qisey kerd û qirkerdiş şermezar kerd û vatişê Mehmet Tûnç “Ma çok nêdanê ro û ma do nêdê roz î" ard vîr û dîyar kerd ke ê do tu wext nê qirkerdişî xo vîr ra nêkerê.

	 

	Parlamenter Hasan Ozgûneş zî bi ard ziwan heta ke kesê azadîye biwazê bibê do wayîrê têkoşînê kesê dinyaya xo bedilnayî vejîyê û wina vat: "Ma do heta peynî wayîrê nê têkoşînî vejîyê."

	 

	Bername, sînevîzyonê ke derheqê bodrumî de ame amadekerdiş, ame temaşekerdiş.

	 

	Bername, bi mevlûd peynî bi.