Dewaya hemşaredare Songul Erden ameye taloqkerdiş

2022-01-10 15:20:33


	 

	ŞIRNEX - Hemsereka Şaredarîya Hezexî ke vera ci qeyûm ame tayînkerdiş Songul Erden zî mîyan de, 16 kesê ke yenê muhakemekerdiş dewaya înan ameya taloqkerdiş. 

	 

	Hemşaredara Hezexê Şirnexî ke vera ci qeyûm ame tayînkerdiş Songul Erden zî mîyan de derheqê 16 kesan de bi îdîayê "Endamê rêxistine" dewa ame akerdiş, 17in roniştişê dewaya ewro de Dadgeha Cezaya Giran ya Şirnexî de ame vînayîş.

	 

	Songul û kesê ke ameyîne muhakemekerdiş tewrê dewa nêbî.  Avûkatî roniştiş de amade bî.

	 

	Avûkatan pawitişê xo de waştişê beraata mûwekîlê xo kerdî û dima ra heyetê dadgehe mabênêk kilm da. Dimayê mabêne heyetê dadgehe bi bahaneyê kêmîyê belgeyan dewa taloqê 18ê temmuze kerd.