
Seba mêrdeyo ke Eyleme qetil kerd, waştişê cezaya muebetî 

2022-01-10 13:50:33


	&nbsp;

	Şehrîban Aslan

	&nbsp;

	RIHA - Dozgerî derheqê gumanbar Huseyîn Tîler ke Eylem Tîler qetil kerd de sûcê ‘qestî kiştiş’ cezaya meubetî waşt.

	&nbsp;

	Wêranşarê Rihayî de 12ê teşrîna verêne 2017 de ame îdiakerdiş ke &nbsp;Eylem Tîler keyeyê xo de bi sîleh întîxar kerda û vejîya werte ke Eyleme hetê mêrdeyê ke ey dir ameya zewicnayîş Huseyîn Tîler ra ameya qetilkerdiş. Dewaya ke Huseyîn Tîler û dayîka ci Hanî Tîler ci ra ameyîne muhakemekerdiş, &nbsp;9in roniştişê ci 4in Dadgeha Cezaya Giran ya Rihayî ra ame vînayîş. Heyetê dadgehe derheqê gumanbar Huseyîn Tîler de mutalayê da de ceza waşt û derheqê Hani Tîler ke serbest yena muhakemekerdiş zî berat waşt.

	&nbsp;

	‘Şîdet kerd'

	&nbsp;

	Goreyê cipersayîş, zabiitname, muhakeme, raporê Sazgehê Tibê Edlî (ATK), nêweşxane û otopsî û heme delîlan, heyetê dadgehe da zanayîş ke Huseyîn Tîler mêrdeyê Eylem Tîlere yo, gumanbar Hanî Tîler zî vistewrîya aye bîya, mabêne gumanbar û Eyleme de demêk derg bîyo problem ameyo ciwîyayîş, gumanbar vernîya serebûtî şîdet cinîya xo kerdo, seba nê şîdetî &nbsp;Eylem şîya verê keyeyê xo. Dadgehe vat, Eyleme dima ra bi gumanbarî dir agêraya keyeyê xo Eyleme 14ê êlule 2017ine de hîrê rey xeta îxbarî yê eskeran gêraya.

	&nbsp;

	Semedê Hanî Tîler berat ame waştiş

	&nbsp;

	Mutalayî de ame dîyarkerdiş ke her çiqas derheqê gumanbare Hanî Tîler de bi îdiayê ke Eylem Tîler kişta dewaya îstîmlakî ameya akerdiş zî, seba delîlêk somut çin o û qerarê beratî ame waştiş. Derheqê gumanbar Huseyîn Tîler de zî qerarê dewamkerdişê tepiştişî ame dayîş. &nbsp;

	&nbsp;

	Roniştişê bîn ê dewa taloqê 11ê çele yanî siba rê ame kerdiş.

	&nbsp;