Keyeyê Şenyaşarî: Na dewa tena dewaya ma nîya 

2021-12-30 14:44:41


	 

	 

	RIHA - Çalakîya "Nobeta Edaletî" ya Keyeyê Şenyeşarî 297 rojî yo dewam kena. Keyeyî ewro nê mesajî da: "Na dewa tena dewaya ma nîya. Birînê edaletî yê welatêk ra gonî yeno yo. Kiştoxî çira bi asan gêrenê."

	 

	Emîne Şenyaşar ke mêrde û di lajê aye 14ê hezîranê 2018 de qezaya Pirsûsî ya Rihayî de hetê merdimanê Parlamenterê AKPyî Îbrahîm Halîl Yildiz ra ameyî qetilkerdişî pêwa lajê xo Ferît Şenyaşar eynî hêriş de birîndar bî, 9ê Adare ra tepya ra Edliyeyê Rihayî de çalakiya nobete kenê. Çalakî ewro roja 297 de ya. Keyeyê Şenyaşarî reyke bîn ame verê Edliyeyê Rihayî û dest bi nobete kerd.

	 

	Ferît Şenyaşar çalakî de wina vat: "Nêweşxaneyê dewlete, parlamenterêk û merdimî ey qirkerdiş kerdî û no qirkerdiş zî verê çimanê bi seyan xebatkarê weşîye ame kerdiş. Mîyanê AKPyî de her kes nê serebûtî zano. Meclîs de 302 parlamenterê AKPyî estê, heta nika tena Parlamenterê AKPyî Ahmet Eşref Fakibaba qisey kerd û vat, ma heqdar ê. Ma pabeyê ke parlamenterê bînî zî eynî rengî bi berpirsyarî têbigeyrê. Wa her kes refê xo dîyar bikero. Yê ke bêveng manenê hemparê nê qirkerdişî yê."

	 

	Ferît, ard vîr ke seba veradayîşê Fadil Şenyaşar û dosyaya dewaya  nêweşxaneyî bêro akerdiş na çalakî kenê û wina vat: "Nêweşxane de qirkerdişêk bi organîze ame kerdiş û ma wazenê ke 23 kesê dozgerî vernîya nika ê tespîtî kerdî bi rengê tewr giran bêrê cezakerdiş. Heta ke edalet bi ca bêro ma do têkoşînê xo dewam bikerê."

	 

	Serê hesabê medyaya dîjîtalî yê keyeyê Şenyaşarî de no mesaj ame parekerdiş: "Na dewa tena dewaya ma nîya. Birînê edaletî ya welatêk ke gonî yena yo. Kiştoxî çira bi asanî gêrenê, keso ke Nêweşxaneyê Dewlete ya Pirsûsî de qirkerdiş kerd, hema zî mîyanê AKPyî de parlamenter o."