'Dermankerdişê jineolojîk cuye xelas keno' 

2021-12-29 13:27:37


	 

	 

	ANQARA - Dr. Saîme Kiş bale ant serê tewirê nêweşîya ke cinî zaf zêde ciwîyenê û vat, dermankerdişê bi rêk û pêk cuye xelas keno.

	 

	Demê peyîn de nêrehetîyê cinîyan yê sey kanserê rehmî û nêrehetîyê vajînal yê cinîyan zêde bîyê. Pêwa ke yeno waştiş ke aşiya HPV ke vernîya nêweşîyê kanserê rehmî û xeylêk nêweşîyê cinîyan ê bîn gêno, wa bêpere bêro girewtiş zî, wezaretê weşîye na babete de bêvengîya xo dewam keno.

	 

	Pispora Welîdnayîş û Nêweşîyê Cinîyan Dr. Saîme Kiş derheqê babete de ercnayîş kerd û bale ant serê tewirê enfeksîyonê vajînal û derheqê metodê dermankerdişê rast ê nêweşîyê cinîyan de xebere da.

	 

	Saîme dîyar kerd ke demê weşîya  jîneolojîk yeno vatiş tena nêweşî û problemê derheqê organê welîdnayîşî de yeno hişê merdiman û vat, cinî nê nêweşîyan de rew rew nêşinê doktor û wina vat: "Na rewşe de ganî merdimî rew têbigeyrê. Dermankerdişê jineolojî cuye xelas keno."

	 

	'Metodê hîjyenê yê şaşî' 

	 

	Saîme vat, xebitnayîşê antîbiyotîkî heta caardişê şaşî yê hîjyenî xeylêk çî tesîr serê hawirê xozayîyê vajîna keno û beno sebebê awanbîyayîşê enfeksiyonî û vat, enfeksîyonê vajînal zî di tewirê ci estê û vat: "No zî bi rayîrê cinsî vejêno werte, diyîn zî enfeksîyonê mantarî yê. 3ine ra yew cinî qetî reyke enfeksîyonê vajînal ciwîyenê. Enfeksîyonê vajînal, vajînoz bakteryal û enfeksîyonê Trîchomonîasîs esto.

	 

	Enfeksîyonê vajînal mantarî de xebitnayîşê antîbiyotîkî eşkeno enfeksîyon zêde bikero. Nîşaneyê ci heknayîş o. Bi dermananê sey fîtîl eşkeno bêro dermankerdiş.

	 

	Vajînoz bakteriyal: Bakterîya tewr zêde cinîyan dir yena vînayîş a. Nîşaneyê ci yew sereyîn boya bi awe dir vejêna werte. Dermankerdiş de eşkenê çend dermanê antîbiyotîkê cîya bêrê xebitnayîş.

	 

	Thrîchomonîasîs: Bi rayîrê têkiliyê cinsî ra derbaz beno. Vajînayî ra boyêke yeno. No nîşaneyê ci tewr bi çiman o. Dermanê sey antîprotozoal yenê xebitnayîş.

	 

	Atrofik vajinit: Enfeksiyonêk bi ca nîno. Demê şitdayîş yan zî dimayê menopozî yê sewîyeya cêr hormonan de eşkeno vejîyo werte. Kremê vajînal eşkeno bêro xebitnayîş û dermankerdişê hormonal eşkeno bêro xebitnayîş."

	 

	Saîme tewr peyîn vat, pawitişê HPVyî metodê aşî, kondom û metodê dermankerdiş û kontrol xeylêk girîng o û vat aşî semedê dermankerdişî nîya, semedê vernîgirewtişî ya û nika piyasa de di tîp aşî estê û yewin Kuadrîvalan HPV yo û vat: “Semedê Tirkîya na aşî vay a, ma testê pap smear pêşnîyaz kenê. Bi nê testî dir kontrol eşkenê merkezê weşîye bêrê kerdiş."