
Riha de 295 rojî yo  'Nobeta Edaleti' dewam kena 

2021-12-28 15:09:52


	&nbsp;

	&nbsp;

	RIHA - Çalakîya ' Nobeta Edaletî' ya Keyeyê Şenyaşarî 295 rojî yo dewam kena. Keyeyê Şenyaşarî ewro no mesaj da: " Kesî ra veng nêvejîyeno. Cayo ke adir pêkewto veyşeno dewam keno."

	&nbsp;

	Emîne Şenyaşar û lajê xo Ferît Şenyaşar ke hîrê ferdê keyeyê xo hêrişê AKPyî dir vindî kerdî, 9ê Adare ra edalet gêrenê. Nobeta Edaletîya Keyeyê Şenyaşarî verê Edlîyeyê &nbsp;Rihayî de roja 295ine de dewam kena. Keye nê serê sibayî qezaya Pirsûsî ra ameyî verê edlîyeyî û dest bi çalakîya xo ya nobete kerd.

	&nbsp;

	Kayeyê Şenyaşarî, serê hesabê xo yê medyaya dîjîtale de walîyê Rihayî Abdullah Erîn, Serekê Pêroyîn ê TÎPî Erkan Baş, parlementerê AKPyî Ahmet Eşref Fakîbaba û serekê TBByî Erînç Sagkan etîket kerdî û no mesaj vilakerd: "Verê çimanê bi seyan xebatkarê îstîmlakî, parlemeterêk AKPyî zî mîyan de verê Nêweşxaneyê Dewleta Pirsûsî de qetlîam yeno kerdiş. Kesê ke ra veng nêvejîyeno. Seba ke kesî ra veng nêvejîyeno, cayê ke adir kuweno ci &nbsp; veyşeno &nbsp;û no veyşinayîş dewam keno. Her kes bi îbret seyr keno. Nobeta ma ya edaletî roj a 295ine de ya."

	&nbsp;