
Vengdayîşê semedê mîtîngê 'Nika Demê Edaletî yo': Ma do bi serewedaritiş serbikewê 

2021-12-24 15:00:46


	&nbsp;

	&nbsp;

	Derya Ren

	&nbsp;

	RIHA - Hemserekê HDPyî yê semedê mîtingê "Nika Demê Edaletî yo" veng dayî ke bale antî serê rewşa tepişteyanê nêweşan ê zîndanan de yê û wina vatî: "Bêrê ma pîya edalet bîyarê nê welatî. Ma bawer kenê ke ma do bi serewedaritiş serbikewê."

	&nbsp;

	Partîya Demokratîke ya Şaran (HDP) bi sloganê "Nika Demê Edaletî yo" 25ê Kanûne de verê Muzeya Rihayî de Kuçeyê Halepli Bahçe yê qezaya Eyyubiyeyê Rihayî de mîtîng organîze bikerê.

	&nbsp;

	Hemserekê Kongreya Komelê Demokratîke (KCD) Berdan Ozturk, Hemserekê Partiya Herêman ê Demokratîke (DBP) Saliha Aydeniz û Keskin Bayindir, Hemserekê Pêroyî yê HDPyî Mithat Sancar do beşdarê mîtîngî bibo. Sewbîna do mîtîng de Koma Çiya vejîyo sehne.

	&nbsp;

	Hemserekê Riha, Mêrdîn û Semsûrî semedê beşdarbîyayîşê mîtîngî veng dayî.

	&nbsp;

	'Bêrê ma pîya edalet bîyarê nê welatî'&nbsp;

	&nbsp;

	Hemsereka HDPyî ya Rihayî Çigdem Karakeçili dîyar kerd ke şexsê Emîne Şenyaşar de mîtîngê edaletî dîyarîyê her kesê ke edalet gêrenê kenê û vat: "Semedê bêhuqûqîyê nê welatî merdimî bi serran zîndanan de manenê. Sewbîna nê welatî de roje de 3-4 cinî yenê qetilkerdiş. Rewşa tepişteyanê nêweşan dîyar o. Ma do mîtîng de vengdayîşê aştî bikerê. Lazimîyê her kesî edaletî rê esto. HEmverê nê bêedaletî çimî kor goşî kerr bîyê. Rewşa Aysel Tugluk ke zîndan de ya dîyar a. Labelê pêwa heme hewldayîşî nîna tehliyekerdiş. Coka ma zî şaro ke edalet gêreno dawetê mîtîngî kenê. Bêrê ma pîya edalet bîyarê nê welatî."

	&nbsp;

	'Polîtîkayê tecrîdî kenê'

	&nbsp;

	Hemsereka HDPyî ya Mêrdînî Perihan Agaoglu dîqet ant serê tecrîdî û vat: "Tecrîd demo ke peynî bibo, do bêedaletî zî peynî bibo. Bi tecrîdê Îmraliyî tedayêk pîl serê komelî de esto. Hemserekê ma yê ke semedê azadîya fikir û fehmî têkoşîn kenê zîndanan de yê. Sere Îmraliyî de zîndanê bînan de zî polîtîkayê tecrîdî yê cidî yenê kerdiş. Coka ma edalet wazenê. Ma do Mêrdîn ra zî semedê mîtingê 'Nika Demê Edaletî yo' beşdarîyêk xurt bikerê. Bêrê ma pîya hemverê bêedaletî vengê xo berz bikerê. Ma bawer kenê ke ma do bi serewedaritiş serbikewê."

	&nbsp;

	'Do mîtîng hemverê bêedaletî bêro kerdiş' &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;

	&nbsp;

	Hemsereka HDPyî ya Semsûrî Zeliha Karinca zî wina vat: "Wareyê şîdet û cinayetê hemverê cinîyan de &nbsp;Tirkîya rêzê vernî de cayê xo gêna. Zîndanan de pey yewbînan cenazeyî vejênê. Her çiqas sucê înan çinbo zî bi serran yenê tepiştiş û prosesê pandemî de zî bi hawayêke baş nêzdîyê tepişteyan nêbî. No zî tena bêedaletîyê nê welatî yo. Coka ma vajê edalet her ca rê û semedê ma hemine lazim o û ma mîtîng de bêrê têhet. Do mîtîng hemverê bêedaletî bêro kerdiş."

	&nbsp;