
Cenazeya Halîl Guneş ameye definkerdene 

2021-12-16 15:10:30


	&nbsp;

	EDENE - Cenazaya tepişteyê nêweşî Halîl Guneşî Adana de ameye definkerdene.

	&nbsp;

	Tepişteyo nêweş Halîl Guneşo ke Zîndanê Amedî de tepişîyayêne rixmê raporê 'nêeşkeno zîndan de bimano' vera nêdîyabî û dinyaya xo bedilnabî. Cenazaya Halîlî Amedî ra ameye berdene bi Adana û wedarîyabî morgî.

	&nbsp;

	Parlementerê HDPyî Tulaye Hatîmogullari, Muazzeze Orhan Işik û Kemal Pekoz, keyeyê Halîlî, îdarekarê Tevgerê Cinîyanê Azadan (TJA), Partîya Demokratîke ya Şaran (HDP), Partîya Herêmê Demokratîkî (DBP), AKYAY-DER, AATUHAY-DERî û xeylêk kesî tewrê merasîmê cenaza bîyî. Merasîm de qala rewşa tepişteyan ê nêweşan ameye kerdene. Dima cenazaya Halîl Guneşî Goristanê Burukî de ameye definkerdene.

	&nbsp;

	Tulaye Hatîmogullari merasîmê cenaza de qisey kerd û waşt ke tepişteyê nêweşî wa bêrê veradayene. Keyeyê Halîl Guneşî taxa Meydanî ya qezaya Seyhanî de banê xo de do serweşîyan qebul bikero.

	&nbsp;

	&nbsp;

	&nbsp;