'Semedê mîtîngê 'ma nêeşkenê debara xo bikerê' vengdayîş 

2021-12-16 14:18:35


	 

	Derya Ren

	 

	AMED - Sekretera Cinîyan a KESKî Done Gevher Koyun derheqê xebatê mîtîngê herêmî yê KESKî ke do bi ca bîyarê de qisey kerd û vat,  demê xebatan de xeylêk astengîyan dir yenê rî bi rî û semedê mîtîngê ke do Amed de bêro kerdiş, veng dayî.

	 

	Welat de semedê krîzê ekonomî şar her ke şino feqîr beno. Meclîs pêvînayîşê butçeyê 2022ine dewam kenê û Konfederasyonê Sendîkayê Kedkarê Îstîmlakî (KESK) bi şîarê ‘Ma nêeşkenê debara xo bikerê' semedê cuyêke merdimayî, butçeyêk hetê şarî û kede, mil bi mil’ do mîtîngê herême bikerê. 18ê Kanûnê de Amed û Îzmîr, 19ê Kanûne de Stenbol û Enqere de mîtîng bikerê.

	 

	Semedê mîtîngê Amedî do bêro kerdiş, Riha, Mêrdîn, Colemêrg, Dîlok û xeylêk bajarê bînan de xebatî dewam kenê. Mîtîng do Meydanê Îstasyonî yê Amedî de bêro kerdiş. Sekreterê Cinîyan ê KESKî Done Gevher Koyun derheqê amancê mîtîngî de qisey kerd û vengdayîşê mîtîngî kerd.

	 

	'Ma wazenê vatişê xo vajê' 

	 

	Done vat, her çîyo ke komel eleqeder keno ganî çarçewaya mutabakatê komelî de bo û wina vat: "Butçeyê ke meclîs de nika yeno ercnayîş, hetê serekkomarî ra ameyo awankerdiş û pêşkêşê meclîsî ameyo awankerdiş. Ma sey KESKî munaqeşeyê Meclîsî nêzdî ra taqîb kenê. Munaqeşeyê bi problem zî yenê ciwîyayîş. Wazenê butçeyêk yew veng serê serdestî awan bikerê. La ma sey KESKî wazenê vatişê xo vajê. Ma wazenê ke şert û mercê cayê xizmetî bêrê başkerdiş, wareyê îstîmlakî bêrê başkerdiş. Semedê nê butçe ma eleqedar kena.”

	 

	'Wazenê ke vengê ma asteng bikerê'

	 

	Done dewam de wina vat: "Komel xeylê xo problemê ekonomî kûr ra ciwîyeno. Welatijî şert û mercê cuye ya merdimayî ra dûr kewtê. n jiyanê ya mirovane dur ketine. Tena ma ney, KESK, her kes vano, 'ma nêeşkenê debara xo bikerê.' Amancê ma yê mîtîngî esto. Ma xebatanê xo dewam kenê. Ma şinê serdayîşê partîyanê sîyasî, sazgehê komelê sivîl, kargerîyan. Problemê hempar ê her kesî krîz o.  Ziwanê ma hemine yew o. Semedê nê do mîtîngê ma zî bi girseyî bi ca bêrê. Xebatan de ma rastê binpaykerdişan ameyî. Wazenê vengê ma nêro eşnawitiş."

	 

	'Derd hempar o, şîar hempar o' 

	 

	Done bale ant serê xebatê Colemêrgî û ard ziwan ke demê xebatan de her tim polîsan ê taqîb kerdê û vat: "Kargerîyê ke ma şî zî na rewşe dewam kerd. Wazenê vernîya heqê rêxistinbîyayîşê ma bigîrê. Pêwa nê çîyê ke ma ciwîyenê, şîar û derdê ma hempar ê. Ma her ca de pozîtîf ameyî pêşwazîkerdiş. Vatî do hêz bidê mîtîng. Ma bawerê ke do hêzêk xurt bidê mîtîng. Ma veng danê heme kesan ke tewrê mîtîngî bibê."