
Derheqê gumanbaro ke hewl da Nurcan Kaplan qetil bikero de îdianame 

2021-12-13 11:45:14


	&nbsp;

	&nbsp;

	Şehrîban Aslan&nbsp;

	&nbsp;

	AMED - Derheqê Tarik Kaplan ke hewl dayo Nurcan Kaplana sewîyeya destveradayîşî de bî û dadîya aye Nezîre Demîr qetil bikero, hetê Serdozgerîye ya Komare ya Amedî ra îdîaname ameye hadrekerdene.&nbsp;

	&nbsp;

	Taxa Şehîtlikî ya Yenîşehîrê Amedî de mêrdeyo bi nameyê Tarik Kaplan menga Hezîrane de hemverê Nurcan Kaplana ke ci dir sewîyeya destveradayîşî de bî, hêrişê bi çekî kerd. Vergumanî Nurcane û dadîya aye birîndar kerd û cayê serebûte ra rema. Verguman 17ê Temmuze de ame tepiştiş û hetê 5in Dadgerîya Cezaya Sulhî ya Amedî ra ame tepiştiş. Serdozgerîya Komare ya Amedî derheqê verguman Tarik Kaplanî de sucê sey, 'qesta teşebuskerdişê kistişê cinîye ra' û 'bi çeke qestî ra giran birîndarkerdişî' de îdîaname hadre kerd.&nbsp;

	&nbsp;

	Dozgerî cîya cîya ceza waşt&nbsp;

	&nbsp;

	Îdîanameyo ke serebûtî ameyê îzahkerdişî de, ameyo &nbsp;kifşkerdene ke Nurcane û Nezîre derheqê vergumanî de gerre kerdo û bi goreyê raporê dermankerdene ya edlî, estan de şiknayîş ameyo vînayene û birîndarkerdene zî giran bîya. Îdîaname de wuna ameyo vatiş: "Verguman Tarik Kaplan her çiqas vajo ke kiştisê qestî, birîndarkerdişê qestî nêbîyo zî guleyî varinayê zî dîmenê wextê serebûtî ameyê cigêrayîşkerdiş. Vergumanî çalakîya babete ca ardo, îfadeyê şahidê peynîye rast bîyê û îfadeyê şahidî goreyê dermankerdene ya edlî ca de ameye vînayîş. Verguman Tarik Kaplan peynî de hêrişê Nezîre kerdo û destê Nezîre de zî aletêko amanco hêriş bikero yan zî xo bipawo çinî bîyo, vergumanî vato mi bi amancê kiştişî ney, bi amancê seqetkerdişî birîndar kerda. No ameyo erjnayîşî û tesbîtkerdişî ke verguman sûcê 'qestî ra &nbsp;birîndarkerdene ya girane' kerdo û sewbîna bi sîleh hêrişê Nurcane kerdo û teşebûsê merdişî kerd o.&nbsp;

	&nbsp;

	Dozgerîye îdîanameyê ke hadre kerda derheqê &nbsp;verguman Tarik Kaplanî de sûcê 'qestî ra teşebuskerdişê kiştişê cinî' û 'sîlehê qestî ra giranî birîndarkerdiş' îdîaname hadre kerd û cîya cîya cezayî waştî.&nbsp;

	&nbsp;

	Îdîanameyê ameyo hadrekerdene hetê 13ine Dadgeha Cezaya Giran ya Amedî ra ame qebûlkerdiş û roniştişo yewin do 23yê Adare ya 2022yine de bêro vînayîş.

	&nbsp;