Semedê Hemsereka DBPyî Seval Gulmez ceza ameye waştiş 

2021-12-06 14:18:25


	 

	 

	AMED - Roniştişê Hemsereka DBPyî Seval Gulmez de dozgerî mutala da û bi iddiayê "endamîya rêxistine" ceza waşt. 

	 

	2yîn roniştişê dewaya Hemseraka Partîya Herêmê Demokratîke (DBP) Seval Gulmez a bi iddiayê "endamîya rêxistine" amebî akerdiş 11in Dadgeha Cezaya Giran ya Amedî ameye vînayîş. Sevale beşdarê roniştişî nêbî. Avûkatê ci Burhan Arta û Hanefi Kandemir beşdarê roniştişî bî.

	 

	Dozgerî ceza waşt 

	 

	Roniştiş de meqamê iddiayî mutala pêşkeş kerd û beyanê şahidî nimite G11O55L44F47 ci de ca girewt. Sewbîna endamîya Komeleya Cinîyan û Tevgerê Cinîyan ê Azadan (TJA), eşkerayîyê ke Sevale  beşdar bîbî sey sebebê sucî ameyî vînayîş. Bi bahaneyê "endamîya rêxistine" semedê Sevale ceza ameye waştiş.

	 

	Avûkat Hanefi Kandemir dîyar kerd ke ê beyanê xo yê verê reyna kenê û mutala qebul nêkenê. Sewbîna semedê pawitişî dem waşt.

	 

	Heyetê dadgehe waştişê demî qebul kerd û waştişê wedaritişê qedexeyê tedbîrê kontrolê edlî ame redkerdiş.

	 

	Heyetê dadgehe roniştiş taloqê 2yê Adara 2022 kerd.