‘Kam ca de tutî bibê ma do uca de bê'  

2021-12-03 09:30:13


	 

	Sema Çaglak 

	 

	AMED - Komeleya Kultur û Hunerî ya Dîcle û MED-DER'î, bi hetkarî dewî, taxî û merkezê Amedî seba tutan bi ziwanê kurdkî kargehan cîya organîze kenê. Keyeyê ke tutanê xo dir beşdarê kargehan benê çiqas dûrî vinderê zî meraq kenê û demêk dima beşdarê kargehan benê. Organîzatora kargehe vat: " Eleqeya keyeyan xebatanê ma bi hêz kenê û sey nînan kam derî de tutî bibê ma do zî uca de bê." 

	 

	Komeleya Kultur û Hunerî ya Dîcleyî û Komeleya Cigêrayîşa Kultur û Ziwananê Mezopotamyayî(MED-DER), no demêk derg o seba eleqe bianco Ziwanê Mayke ser ro dewî, taxî, merkezîya Amedî de seba tutan kargehan cîya organîze kenê. Tutan reyde civat kenê,  resim xêz kenê, deyîran vanê, alfabeya kurdkî mûsnenê û kayanê cîyayan  kay kenê. Derheqê xebatan de mamoste û koordînatora Komeleya Kultur û Hunere ya Dîcleyî Mizgîn Yildirim û mamoste ya MED-DER'î  Seyhan Şaşmaz e ajansê ma rê qisey kerd. 

	 

	'Bi xebatan do hişmendîyêka newe awan bibo' 

	 

	Mizgîne destpêkê qisanê xo de eleqedarî ant ser ê xebatanê ke îdare kenê û vat:"Proje û xebatê ma seba  tutanê dewan, merkez û şaristanan domnenê. Ma bi xebatan amanc kenê ke pêle ya pelçiqnayene kemî bo zî bêro şikitene. Sey nînan pandemî ra ver ma mabêne dabî xebatanê xo. La dima dest bikerdene ya  rewşa asayî ma xebatê xo cayo di mend bi ma domna. Ma nika xîret kenê ke xebatanê xo xurt bikerin. Nê esasî ser o ma bi hetkarîya MED-DER'î  projeyêk hadre kerd. Çerçeweya projeyî de ma tutan dir ameyî têhet, ma kargehî cîya ca kerd û ma tutan rey de zaf çalakîyê cîyayî hadre kerdî. Ma wazenê bi ê xebatan hișmendîyêk awan bikerin. Wa gedeyî ro Kultur û Hunerê xo hayîdar bê." 

	 

	'Kam ca de tutî bibê ma do uca bê.' 

	 

	Mizgîne, qiseykerdena xo de wina bale ant serê nizdîbîyayîşê keyeyan û vat: “Nizdîbîyayîşê keyeyan duştê xebatanê ma rê pozîtîf bi. No çî  nîşaneya hewceyîya xebatanê bi nê rengî bî. Bi rastî ma kargehan de vîna ke hewceyîya bi xebatan wina estê. Merdim bi Kultur û Hunerê xo cîyayîyê xo reyêna bifiro na keyfweșîyêka  pîl a. Xebatê ma hem hetê tutan ra hem zî hetê keyeyan ra yenê ecibnayene. Seba ke demê tutan bi Kultur û Hunerî bibê pîl do tesîr bidê meşte ya komelî xo zî bikerê.  Seba nê semedî zî ma waştoxî kenê zafêr malbatî verê tutan bidê sazîyan û kargehanê ma. Kam ca der de tutî bibê ma do ûca bê. Do meşte de zî  ma do xebatanê xo yê seba tutan verhîra bikerin." 

	 

	'Verê Kultur û Hunerî de ziwan zî musenê' 

	 

	Mamoste Seyhane zî di qiseykerdena xo de perwerdeya ziwanî ser o vinderte û dîyayîșê xo wina ard ziwan: “Ma 4 qezayê Amedî dest bi xebate kerd. Peynîye de zî çar taxê Amedî de zî xebatê ma dom kerd. Di 2 taxê

	Sûrî û di 2 taxê Peyasî ma xebate ard ca. Bêguman nê çalakî û xebatê kargehe seba tutan wayîrê rolêkê muhîm ê. Ma na xebate de bi hetkarîya komeleya Kulture rê hurmetdarê. Ma çiqas  Kultur û Hunere ser o vindertene zî ma  bidin xo ser û nuşteyena bi kurdkî zî girêbidin. Xebatanê ma de ma alfabeya kurdkî bimusnê tutan." 

	 

	'Eleqeyê keyeyan seba ma muhîm a' 

	 

	Seyhane, îzahat kerd ke perwerdeyê bi ziwanê kurdkî dîqetê keyeyan zî anceno û vana: “Nê xebatan de bi zafêrî malbatî tutanê xo dir yenê verê ma. Tutanê xo temaşe kenê. Keyeyî bikeyfweşîye tutanê xo temaşe kenê û zerrîya ma zî pê şa bena. Çiqas dûrî bivinderê zî  demêk peynî beşdarî çalakîyan benê. Hem dîqqetê înan anceno û hem zî meraq kenê. Seba keyeyan bi ziwanê kurdkî xebatê Kultur û Hunere kêfweşîyêka gird a. Seba ke tutê înan mekteban de bi ziwanê bîn perwerde benê û kurdkî ra dûrî kunê. Xebate bi nê rengî seba tutan û keyeyan muhîm a."