'Ganî tecrîd bêro wedaritiş û pêvînayîş bêro kerdiş' 

2021-12-01 09:36:44


	 

	 

	Rojda Aydin

	 

	ŞIRNEX - Dayîkê Cizîrî, tecrîdê girankerdişê yê serê Rayberê PKKyî Abdullah Ocalanî şermezar kerdî û veng dayî ke wa ganî tecrîd bêro wedaritiş û pêvînayîş bêro kerdiş.

	 

	Rayberê PKKyî Abdullah Ocalanî 15ê Sibata 1999ine Zîndanê Îmraliyî yê Tîpê Fyê yeno tecrîdkerdiş. Zîndanê Îmraliyî ke 22 serrî tecrîdêk giran yeno kerdiş, pêvînayîşê avûkatan û keyeyê ci bi Ocalanî dir yeno astengkerdiş.  Tewr peyîn 25ê Adara 2020 de xebere ci ra amebî girewtiş. Sewbîna verê zî vejîyabi werte ke bi bahaneyê Abdullah Ocalanî volta eşto cezaya disîplînî ci rê ameyo birnayîş.

	 

	Endama Meclîsê Dayîkê Aştîye ya Cizîrî Hatîce Beytur û Îdarekara HDPyî ya Cizîrî, tecrîdê girankerde yê serê Rayberê PKKyî Abdullah Ocalanî şermezar kerdî û dîyar kerdî ke sebebê sereyîn ê alozî hetê ekonomî, sîyasî, komelî û xeylêk wareyê bîn de tecrîdê serê Rayberê PKKyî Abdullah Ocalanî yo.

	 

	'22 serrî yo serê Serekî de tecrîdêk giran yeno kerdiş'

	 

	Endama Meclîsê Dayîkê Aştîye ra Hatîce Beytûr, tecrîdê girankerde yê serê Abdullah Ocalanî şermezar kerd û wina vat: “22 serrî yo serê Serekî de tecrîdêk giran yeno kerdiş. No tecrît tesîrê serê ma hemine keno. Sewbîna no tecrîdo girankerde tesîrêk pîl serê tepişteyan de zî keno. Ma wazenê nê problemî û şerî rê çareyêk bêro vînayîş. Ma wazenê Serekî binê tecrîd ra vejê. No tecrît heta kengî do serê ma û tutanê ma de dewam bikero. Êdî bes o tutê ma bêrê kiştiş û surugunkerdiş. Îqtîdar tecrîd ardo wina sewîyeyêke ne bi tena serê Serekî serê temamê dinya de yeno kerdiş. Ma heme binê tecrîdî yê. Waştişê ma oyo ke tecrîtê serê Serek û tutê ma bêro wedaritiş. Waştişê ma azadî, aştî û têduştî yo. Ma şer nêwazenê."

	 

	'Eke Serek azad bo do komel zî azad bo'

	 

	Hatîce, dîyar kerd ke îqtîdar Abdullah Ocalanî û şarê kurdî û wina pêlda qiseykerdişê xo: “Îqtîdar vano ke eke tecrît bêro wedaritiş, do no şar wurzo serê lingan. Serra 2012 de masaya çareserî amebî awankerdiş û prosesê çareserî dest pêkerdibi. Labelê îqtîdar peynîya nê prosesî ard û şer reyke bîn da destpêkerdiş û kûr kerd. Îqtîdar heta nika xeylêk rey hemverê kurdan de qirkerdiş kerdo. Ma kurd ê û ma zî heqê xo wazenê.  Sey pêro şaran nasnameyêk ma esto û ma semedê nê têkoşîn kenê. Cinîyê ke bi felsefeyê Serekî xo ver dayî, meydanan de têkoşîn kenê. Cinîyê têkoşer hemverê tecrîdî sere wedarnenê. La bi kurkerdişê tecrîdî dir reyke bîn wazenê cinîyan bêveng bikerê. Hetêk ra zî krîzê ekonomî kûr bîyo û xoza yena talankerdiş. Sebebê nê pêrûne tecrîd o. Eke tecrîd bêro wedaritiş do nê çî zî peynî bibê. Çareserîya nê probleman zîndanê Îmraliyî yo. Tena serek eşkeno çareser bikero. Eke Serek azad bibo do komel zî azad bibo.

	 

	'Ma reyke bîn vanê ke Serekê ma  Abdullah Ocalan o’

	 

	Hatîce tewr peyîn wina vat: "Îqtîdaro ke eksê azadî, kurdan keno mîyanê tecrîdî.  Semedo ke Serek 22 serrî yo binê tecrîdî de yo, ma zî weşîye ci rê zaf endîşeyîn ê. Bi 2-3 serrê peyîn zî  tu zanayîş ci ra nîno girewtiş.  Ganî ma pêro dayîkî dest bidê destê yewbînan û hemverê tecrîdî wurzê serê lingan. Ganî bi Serekî dir pêvînayîş bêro kerdiş. Senîn ke Serekê heme şaran esto, o zî  Serekê ma yo. Ma reyke bîn vanê Serekê ma Abdullah Ocalan o. Ganî heme şar nê şerî û tecrîdî rê vajo êdî bes o. Êdî bes o xoza û cuya ma talan bikerê. Wa şarê kurdî û cinîyê kurdî zorê tecrîdî berê."      

	                                                                                                       

	‘Ma kurdan kirasê mergî dayê xo ra'

	 

	Îdarekara HDPyî ya qezaya Cizîrî Aynûr Elçîoglu zî dîyar kerd ke tecrîdê girankerde tesîrêk pîl komelî ser o kerd û wina vat: “Tecrîd serê cinî, tutî, komel û cuya ma de keno. Tecrît her hetî serê ma de keno. Ma wazenê tecrît bêro peynîkerdiş.  Zîndanan de tutê ma, tîya de zî ma binê tecrîdî de yê. Ganî ma cinî û ciwanî hemverê tecrîdî wurzê serê lingan. Ganî ma bêveng nêmanê. Semedê şikinayîşê tecrîdî û cuyêka hizûr ganî ma kurdî yewîya xo awan bikerê. Eke ma yewî awan nêkerê do nê şertî tewr kûr bê û tecrîd tewr giran bo. Ganî ma bibê yew. Ganî ma hemverê tecrîdî bêveng nêmanê. Ma kurdan kirasê mergî dayo xo ra û ma vengê xo nêvejê. Nê bêvengî heta key do dewam bikero. Ganî ma nê kirasê mergî serê xo ra bierzê. Bi taybetî zî cinî. Semedê Serekî û tutê xo ganî ma bibê qalxan. Sere de şarê Kurdî heme komelî binê tecrîdî de yê. Çimeyê heme şarî û komelan Îmraliyî yo û rewşa Rayber Apo bi endîşeyîn o. Ganî ma zorê tecrîdî berê. Eke ma bêveng bê do no zulm û hêrişî zêde bibo. Binê nameyê musulmanî de zulm kenê. DAÎŞî ra tewr xirab ê. Cinî ewro her wareyê cuye de bi şîdetî dir rî bi rî ya. Îqtîdarê ke kiştoxan paweno û tecrîd zî giran keno. Semedo ke nê heme problemî çareser bibê ganî reyke bîn prosesê çareserî bêro destpêkerdiş. Ma dayîkî û cinî bibêê yew û tecrîd peynî bikerê."