
Îtalya de 100 hezar cinî hemverê şîdetî rayrayîş kerdî 

2021-11-29 15:16:17


	&nbsp;

	&nbsp;

	MERKEZÊ XEBERAN - Îtalya ke serê serre ra heta 7ê Teşrîna Peyêne 103 cinî ameyî qetilkerdiş, 100 hezar cinî vejîyayî kuçeyan û hemverê şîdetî rayrayîş kerdî.

	&nbsp;

	Îtalya de bi hezaran cinî vejîyayî meydanan û hemverê şîdetî rayrayîş kerdî. Rayrayîşo ke rayberîya Înîsiyatîfê Non Una dî Meno (Ma do yew zî kêm nêbê) de ame organîzekerdiş. Rayrayîş ke meydanê &nbsp;Roma yê qelebalix ame destpêkerdiş, heta Meydanê San Gîovannî de dewam kerd.

	&nbsp;

	'Ma wazenê biciwîyê'

	&nbsp;

	Rayrayîş de şîdetê ke cinîyan rê yeno kerdiş, ame şermezarkerdiş û vengdayîş hukmatî rê ame kerdiş ke semedê cinî bêrê pawitiş, bikewo tevger.

	&nbsp;

	Cinîyan pêwa sloganê, "Ma wazenê bicieîyê" zingilê destê xo dayî piro. Sewbîna çalakgeran ard ziwan ke serdemê Covîd -19 de şîdetê cinîyan yeno kerdiş tewr zêde bîyo.

	&nbsp;

	100 hezar kes tewrê rayrayîş bi&nbsp;

	&nbsp;

	Dimayê ke şan de bi, cinîyan mumê ke verê xo de ardibî vistî ta. Goreyê kesê ke rayrayîş organîzekerdê tewr tay &nbsp;100 hezar cinî tewrê rayrayîşî bî.

	&nbsp;

	103 cinî ameyê qetilkerdiş&nbsp;

	&nbsp;

	Goreyê dayeyê raporî emnîyetê Îtalyayî, serê serre heta 7ê teşrîna peyêne 103 cinî ameyê qetilkerdiş û nê qetilkerdişan ra 87ê xo netîceyê şîdetê keye de ameyo kerdiş.

	&nbsp;