'Xêrcê têkoşînî rayîrêk bîn çin o' 

2021-11-28 13:41:21


	 

	Melîke Aydin

	 

	ÎZMÎR - Pîrebokê Kampusî ra Zîlan Kubat dîyar kerd ke semedê krîzê ekonomî, wendekarî nêeşkenê  debara xo bikerê û tewr zêde wendekarê cinî bi tesîr benê û xêrcê têkoşînî rayîrêk bîn çin o.

	 

	Semedê krîzê ekonomî yê tewr zêde bi tesîr bîyê wendekarê unîversîte yê û hetê starbîyayîş û debare de problemê pîlî ciwîyenê. Pîrebokê Kampusî ra Zîlan Kubat ke unîversîteya Bakirçayî de ya dîyar kerd ke na rewşe tewr zêde tesîr serê wendekarê cinîyan de keno û  xêrcê têkoşînî rayîrêk bîn çin o.

	 

	Zîlane dîyar kerd ke prosesê pandemî de wendekarî şîyê keyeyê xo û dimayê rewşa normalî agêrayê wendegeh la kîra vejîyayê di kat û wina vat: "Yurdê KYKyî zî  kapasîteyê înan kêmî yo. Ma çalakîya ‘Cayê ma çin o' semedê nê da destpêkerdiş. Semedê endîşeyê ameyoxî wendekarî nêeşkenê serê dersanê xo de vinderê. Serekkomar vano 650 TL qîmê şima çira nêkeno. No yeno manaya roje de 20 lîra. Roje de bi 20 lîra şîyayîşê wendegehî û werd mimkin nîyo. Sîstem vano ke pereyê şima çinî bo mewanê. La tutê sermayedaran wanenê. Ma nêeşkenê biwanê û ma bi endîşeyîn ê."

	 

	'Tewr zêde cinî bi tesîr benê' 

	 

	Zîlane dîyar kerd ke tewr zêde wendekarê cinî tesîr benê û vat: "Cinî hîrêgoşeyê keye, dewlete û yurdu de tengezar bîyê. Sewbîna êdî eleqeyê cil û belgê wendekaran zî benê. Yurdê kênayan ê Katîp Çelebî Cîhannuma yê Îzmîrî de şorte ameye qedexekerdiş. Keye  semedê tutanê xo lajan hîna zêde pere şawenê. Tutê kênayî zî semedo ke nêeşkenê debara xo bikerê peyser agêrenê. Semedê nê wendekarî xebityenê. Cayê karî de yenê tacîzkerdiş. Yurdê kênayan teberê bajarî de yo. No zî tacîz û tecawuzî normal keno. Wendekarê cinî wexto ke şinê yurd, rayîrê bêveng de hetê camêrdan ra fuhuş înan rê yeno ferzkerdiş. Wendekarê cinî bi pêşnîyazê ‘qezenckerdişê pereyî’ rehet kewenê torra fuhuşî.”

	 

	'Reaksîyon yeno ramojnayîş'

	 

	Zîlane dewam de wina vat: "Unîversîteya Demokrasî ya Îzmîrî de hemverê zamê çayî de boykot kerdî. Kampus de bêpere çay ame vilakerdiş. Îdarekarê wendegehî  vayî vindarna. Yurdê Îzmîrî de wendekarî semedê werdî jehrî bî. Wendekarî reaksîyon ramojnayî. Semedê debare hîn embazî agêrayî keyeyê xo. Kîra xeylêk vay ê. Keyeyan de odayan de 4-5 kesî şertê nêbaş de ciwîyenê. Ma nêeşkenê kitabê xo kitabanê xo bigerê."

	 

	'Cinîyan rê wareyê cuye nêverdenê' 

	 

	Zîlane reaksîyonê xo wina ard ziwan: "Dewlete îmkanê karî nêdana. Cinîyê ke nêeşkenê debara xo bikerê nêwazenê agêrê keye. Heto bîn ra zî tedayê sîstemî. Xeylêk wendekarî semedê flortî xo yenê tehdîdkerdiş estê. Xeylêk wendekarî yenê qetilkerdiş, tecawuzkerdiş. Çi heyf cinîyan rê wareyê cuye nîno verdayîş. Semedê yewin rayîrê têkoşînî yo. Xêrcê têkoşînî rayîrêk bîn çin o."