
Kubraya ke şîdet ci rê ame kerdiş 10 rojî yo vînîbîyaye ya 

2021-11-24 15:50:33


	&nbsp;

	&nbsp;

	AMED - Kubra Ekîn ke verê zî semedê şîdet ci rê ame kerdiş gerre kerdibî, 10 rojî yo xebere ci ra nîna girewtiş.

	&nbsp;

	Kubra Ekîna ke vernîya 5 mengan semedê cil û belgê ke dabî xo ra, camêrdêk hêrişê aye kerdibi û şîdet ci rê kerdibi û Kubra dima ra gerre kerdibi.

	&nbsp;

	Ame eşkerakerdiş ke Kubra 13ê teşrîna peyêne de dayîka xo ra vata ez şina sûke û reyke bîn zanayîş ci ra nêameyo girewtiş.

	&nbsp;

	Dayîka Kubra Rahîme Ozdemîr ke çimeyê çapemenîye herême rê qisey kerd, dîyar kerd ke aye semedê gerre bikero şîya qereqol, la polîsan ci ra vato, '22 serrî ya beno ke şîya cayêk û do agêro' la dimayê israrê dayîke tehqîqat ameyo destpêkerdiş.

	&nbsp;