‘Wa Barzanî destê xo serê tutanê ma ra wedarno’

2021-11-19 12:54:04


	 

	COLEMÊRG - Endamê Meclîsê Dayikê Aştiye ya Geverî reaksîyon vera çekê kîmyewî yê Tirkîya û caardişê PDKyî yê hemverê cenazeyan dayî û veng dayî PDK û Mesut Barzanî û vatî: “Destê xo yê lêşin serê tutan ra wedarnê.” Dayikan veng dayî ke wa şar çekê kîmyayî wurzê serê lingan.

	 

	Tirkîya de hemverê Zap, Metîna û Avaşînî 23yê Nîsane de operasyon dabî destpêkerdiş û hêzê Partiya Demokrate ya Kurdistanî (PDK) tewrê operasyonî bî û 28-29ê Tebaxe de herêma Xelîfan a Herêma Federal a Kurdistanî dafike awan kerdî û hêrişî de 5 HPGyîjan dinyaya xo bedilnayî. Keyeyê HPGyijan bi waştişê cenaze bêrê dayîş Berê Sînorî yê Sêmalkayî nobete dayî destpêkerdiş û nobete dewam kena.

	 

	‘Wa her kes wurzo serê lingan’

	 

	Meclîsê Dayikê Aştîye ya Geverî Gulbeyaz Mihçi dîyar kerd ke aye hêrişê dewleta tirkî ya hemverê herêma Federal a Kurdistanî û xebitnayîşê çekê kîmyayî şermezar kenê û bi dayikê ke berê sînor yê Sêmalkayî roniştişî dir mîyanê paştdayîşî de yê. Gulbeyaze wina vat: “44 rojî yo dayîkî sînor de semedê cenazeyan vindenê. Barzanî çira bêven go? Barzanî ke bira bi bira kerdo dişmin, şermezar kenê. Wa her kes veng bido vengê dayikan. Wa vakur û Başûr wurzê serê lingan. Wa hesab ci ra bipirsê. Ma dayîkî nêwazenê kes bimiro.”

	 

	‘Wa cenazeyî bêrê dayîş’

	 

	Gulbeyaze wina vat: “Çekê kîmyayî hemverê şarê kurdî xebitnenê. Çira heme dewletan rê qedexe yo û çira hemverê kurdan de kenê. Demo ke babeta bena  kurdî kes veng nêkeno, nêvîneno. Her kes ker û lal o. Ez veng dayê Barzanî, wa cenazeyan bidê û êdî canê dayîkan nêdejo.”

	 

	‘Wa destê xo yê lêşin biancê’

	 

	Dayîka Aştiye Emîne Atak zî dîyar kerd ke waştişê înan aştî yo û wina vat: “Ma dayikî bi serran o aştiye wazenê. Wa no şer bi peynî bibo. Ma semedê nê têkoşîn kenê. Wa Barzanî destê xo yê lêşin serê tutanê ma ra wedarnê. Ez veng dana Barzanî, êdî wa gonîya kurdan nêrijnê. Wa kurdê uca wurzê serê lingan û destûr nêdê nê.”