Hemverê îdarekarîyê camêrdan ê 36 serrî bî namzede 

2021-11-15 13:50:26


	 

	 

	Hîkmet Tunç

	 

	WAN - Odaya Esnafan a Salonê Kafe, Qewe, Kiratxane, kafeyê înternet û Playstatîon yê Wanî ke 36 serrî yo camêrdî serekîya ci kenê, yewin rey cinîyêke bî namzeda serekîya ci. Nurgul Şeker vat, ganî destê cinîyan zî bi îdarekarîyê odayan bikewo.

	 

	Odaya Esnafan a Salonê Kafe, Qewe, Kiratxane, kafeyê înternet û Playstatîon yê Wanî ke bi serran o camêrdan serekîya ci kerdêne, komelnas û karsaze Nurgul Şeker bî namzeda ci. Roja ke ameyo awankerdiş heta nika, yewin rey cinîyêke bena namzeda ci û wina vana: "Dem demê newebîyayîşî yo" Nurgule bi sloganê dem demê newebîyayîşê yê vengdayîşê paştdayîşê weçînayîşê menga sibat-adare kerd.

	 

	'Ganî îdarekerdiş de cinî bibê' 

	 

	Nurgule dîyar kerd ke bajar de kadroyê îdarekerdişê sazgehê komelê yê sivîlî de camêrd ca gênê û wina vat: "Semedê nê zî nê bajarî de sey her welatiyêkê hêviyê mi, xeyalê mi zî estê. La şikinayîşê mi zî estê.  Ez sey cinîyêke ciwane ya nê bajarî ciwîyena, bi kede, sermaya xo serê lingan vindena. Ez zî namzede ya. Semedo ke cinîyê îdarekarê zî bibê. Ganî destê cinîyan zî îdarekarîyê odayan de bê."

	 

	'Kargerî ameyî padayîş' 

	 

	Nurgule dewam de bale ant serê pandemî û wina vat: "Hêzê girewtişî kewt. Esnafan problemê pîlî ciwîyayî. Selahîyetdarê ma berpirsî, problemê ma çareser nêkerdî. Esnafan pandemî de zaf zehmetî antî. Mecbûr mendî kargeriyan padê. Yê sermaya înan bi, sermaye helênayî.”

	 

	'36 serrî yo koltuxan de roniştê ganî bivurîyê'

	 

	Nurgule dîyar kerd ke hewcedariya esnafan bi paştdayîş û hewcedarî esto û nê vengdayîş kerd: “Mi nê prosesî de nê kûr ra hîs kerd û ez bîya serekê oda. Semedê hewcedarîya ma bi nê esto. Ganî ma weçînayîşan de nêrê vîrardiş. Dinya vurya. Ganî îdarekarîyê 36 serran bivuryo. Hewcedarî bi fikrê newe esto."

	 

	Nurgule semedê weçînayîşî nika de xebatê xo dayê destpêkerdiş û vengdayîşê paştdayîşî kerd.