Suheyla A. bi hawayêke guman dinyaya xo bedilnaye  

2021-11-14 14:43:01


	 

	 

	Hîkmet Tunç 

	 

	WAN - Suheyla A. ke bi hawayêk guman dinyaya xo bedilnaye, ame diyarkerdiş ke çend rey  semedê şîdetê ke ameyê kerdiş, muracatê stargehî kerda û Azmet A. ke ci dir amebî zewicnayîş û bi reyan şîdet ci kerdibi verê bi hewteyêk zîndan ra ameya tahliyekerdiş. 

	 

	Qezaya Bêgirî ya Wanî vizêr şan de cinîya bi nameyê Suheyla A. ya 40 serrî bi hawayê bi guman dinyaya xo bedilnaye. Cenazeya Suheyla semedê bêro otopsîkerdiş wedarnayî Nêweşxaneyê Cigêrayîş û Perwerdî yê Wanî û camêrdo ke Suheyla ci dir amebî  zewicnayîş Azmet .A. zî ame destbendkerdiş.

	 

	Suheyla bi reyan gerre kerda

	 

	Pêwa cipersayîşê ke hetê Serdozgerîya Komara ya Wanî de ame destpêkerdiş, vejîya werte ke Azmet A. zî bi reyan şîdet Suheyla rê kerdo. Cîranê Suheyla diyar kerdî ke do bi reyan muracatê sitargeh kerda û bi mîyançîyê keye reyke bîn camêrdo ke şîdet ci rê kerdo Azmet A. agêraya.

	 

	Dimayê Azmet A. zîndan ra vejîya hewteyêk de Suheyla dinyaya xo bedilnaya 

	 

	Suheyla xeylêk rey şîdetê ci rê ameyo kerdiş gerre kerda û Azamet A. ameyo destbendkerdiş la dimayê ke ameyo destbendkerdiş her rey ameyo veradayîş. Tewr peyîn zî demo ke Suheyla gerre ci rê kerda hewteyêk zîndan de mendo û dimayê ke vejîyayo Suheyla bi hawayêke bi guman dinyaya xo bedilnaye.

	 

	Suheyla û kênaya xo stargeh de mendê

	 

	Ame neqlkerdiş ke tena Suheyla, kênaya ci zî şîdet  Azamet A. ra şîdet dîyê û reya peyîn Suheyla û kênaya xo pîya ra stargeh de bi ca bîyê. Vejîya werte ke Azamet A. tîryakî zî xebitnayo.