
Emîne Şenyaşar vejêna vernîya dadgehe: Zulm dewam keno 

2021-11-12 15:37:59


	&nbsp;

	&nbsp;

	RIHA - Emîne Şenyaşar bi îdiayê ke “heqaret” Îbrahîm Halîl Yildiz ê AKPyîjî kerda do vejîy avernîya dadgehe. Lajê Emîne Ferît Şenyaşar bale ant serê rewşa dayîke û vat: "Dayîka mi do sucdarî qebul bikero û biwazo ke sewîyeya tewr berz de bêro cezakerdiş.”

	&nbsp;

	Çalakîya Nobeta Edaletî ya keyeyê Şenyaşar ê vernîya Edliyeyê Rihayî roja 249ine de dewam kena. Dayîke Emîne Şenyaşar bi bahaneyê ke &nbsp;“heqaret” Parlementerê AKPyî Îbrahîm Halîl Yildiz kerda saete 2 yê nîmerojî de do vejîyo vernîya 2yîn Dadgeha Cezaya Sûlhî ya Rihayî.&nbsp;

	&nbsp;

	Ferît Şenyaşar ke dayîka xo dir nobete gêno wina vat: "Her roje binê îqtîdarê AKPyî de bêhuqûqîyêk newe keweno tarîx. Ewro roniştişê dayîka mi esto. Do vejîyo vernîya dadgehe û îfade bido."

	&nbsp;

	Ferît Şenyaşar qirkerdişê nêweşxane ard vîr û vat: “Dayika mi her roje bermena, tîya lûrnena. Teşhîs kerd ke &nbsp;nêweşxaneyî de qirkerdiş kerdo. 3 serrî û 5 mengî serê serebûtî ra derbaz bîyo. Înan ra yew zî nêameyo tepiştiş. Dayîka mi dermanê psîkolojî yê giran xebitnayîne. Nîno vîrê aye çi vato. Eke hemverê çîyê ke dayika mi ciwîyaya dozgeran sûcêk vînayo, do dayîka mi suc qebul bikero û do sewîyeya tewr cor biwazo ke bêro sucdarkerdiş. 3 merdimî verê çimanê dayîke mi de ameyî qetilkerdiş, îfadeyê kesî nêameyo girewtiş. No huqûq o? Hêzê dozgeran qîmê dayîka mi keno? Semedê kesê ke qirkerdiş kerdî kontrolê parlementerî de yê kes destê xo nêdano binê kerra. Îradeyê dozgeran bi temamî destê înan ameyo girewtiş, zulm dewam keno."

	&nbsp;

	&nbsp;

	&nbsp;