Newaya Jin wendoxan reyde ameye têhet 

2021-11-08 15:11:34


	 

	 

	MERKEZÊ XEBERAN- Rojnamegere Ulkem Zeremya pare kerd ke tewr zaf çapemenîya cinîyan ê kurdan vera kodanê cînsîyan weşangerîye kerde û derheqê sîyasetê weşaneyî yê rojnameyê Newaya Jin de agahîyî dayî.

	 

	Rojnameyê Newaya Jin bi organîzasyonê Meclîsê Cinîyan ê Vîyane şaristanê Kolnî yê Almanya de wendoxanê xo reyde kom bi. Kombîyayîş de derheqê weşangerîya cinîyan, kodanê cînsîyan û tedeyîya Newaya Jin de nîqaşî ameyî kerdene.

	 

	Kombîyayîş de rojnamegere Ulkem Zeremya qisey kerd. Ulkeme vist vîrî ke tewr zaf Tirkîya vera rojnamegeran teda kena û da zanayene ke menga terşrîna verêne de 40 rojnamegerê cinîyî raştê şîdet, gef û tacîzî ameyî.

	 

	 Ulkeme bale ante girîngîya medyaya cinîyan ser û îfade kerd ke medya çimeyê cinîyan de çeperêkê têkoşînî yo.

	 

	Qiseykerdişê Ulkeme ra dima wendoxan fikrê xo ardî ziwan û derheqê tedeyîya Newaya Jin de fikr, pêşnîyaz û rexneyê xo pare kerdî.

	 

	Newaya Jin 14ê teşrîna peyêne de Hanau û Darmstadt de, 21ê teşrîna peyêne de Siegen de do wendoxan reyde kom biba.