
Amed de 16 kesî ameyî destbendkerdiş 

2021-11-08 14:31:31


	&nbsp;

	&nbsp;

	&nbsp;

	AMED - Amed de serê sibayî polîsan eşt serê xeylê keyeyan. Sereştişê keyeyan de sîyasetmedar û sendîkawanî zî mîyan de tewr tay 16 kesî ameyî destbendkerdiş.

	&nbsp;

	Serê sibayî rew polîsan bi wesayîtê zirxî Amed de derûdorê xeylêk keyeyan girewtî û eştî serê keyeyan. &nbsp;Polîsan keye de cigêrayîş kerd û dimayê cigêrayîşî sîyasetmedar, sendîkawan û dayîkê aştîye mîyan de tewr tay 16 kesî ameyî destbendkerdiş. Sebebê destbendkerdişan nêame zanayîş û kesê ke ameyî destbendkerdiş berdî Muduriyetê Polîsan ê Amedî.

	&nbsp;

	Heta nika nameyê kesê ameyê destbendkerdiş wina yê: Îdarekarê Rêxistinê HDPyî yê Bajarê Amedî Huseyîn Baran, Mehmet Asena, Şeyhmus Yavuz, Hemserekê Rêxistinê HDPyî qezeya Rezanî Nasir Yelter, Îdarekara Rêxistine DBPyî ya Bajarê Amedî Yasemin Akengîn, Alî Alkan û Mehmet Suslu, Hemserekê Rêxistinê Partîya Sosyalîst a Bindestan (ESP) a Bajarê Amedî Erkan Keskin, Îdarekara Sendîkayê Kedkarê Xizmetê Weşîye û KOmelî (SES) ê Şubeyê Amedî Gulhan Tekîn, Hemsereka Egîtîm Senî ya Şubeyê Amedî ya Hûmara 2yîn Arzu Koç, Temsîlkarê Serekê Pêroyî yê Partîya Sosyalîst a Kurdistanî (PSK) Bayram Bozyel, Endama Heyetê Îdarekarîyê Odaya Muhendîsê Makîneyî yê Şubeyê Amedê Arîn Zumrut, Hemserokê TUM BEL-SENî yê Şubeyê Amedî Bakî Ondeş û Endama Meclîsa Dayîkê Aştîye ya Amedî Vesîye Yîgît.&nbsp;

	&nbsp;