
Metodê mêsa hingimênî ê pawitişê parazîtan ra 

2021-11-01 15:22:13


	&nbsp;

	&nbsp;

	MERKEZÊ XEBERAN - Goreyê tespîtê zanyaran mêsê hingimênî hemverê tehdîdê parazîtan mesafeyê mabêne xo de pawenê. &nbsp;

	&nbsp;

	Zanyar pê hesîyayî ke mêsê hingimênî semedê pawitişê karîyê xo tehdîdê parazîtê kolonî dûrbîyayîşê mabêne xo de pawenê.

	&nbsp;

	Senîn ke merdimî wextê şubeyê Covid-19î de semedo yewbînan ra nêweşî nêkewê xo dûrî danê, eşkere bi ke mêsê hingimênî zî wextê tehdîd û hêrişê parazîtan de xo yewbînan ra dûr danê. &nbsp;

	&nbsp;

	Goreyê cigêrayîşî, bi taybetî mêsê hingimênî yê ciwanî ke merkezê kolonî de yê û mêsê hingimênî yê extîyarî yê teberî tewr zêde mesafe kenê mabêne xo.

	&nbsp;

	Wextê cigêrayîşî de ame vînayîş ke hemverê parazîtê Varroa, beşê zereyî û teberî yê karî yewbînan ra cîya benê û bi nê rengî zî vilabîyayîşê parazîtî yeno kêmkerdiş.

	&nbsp;

	Tîmêke mîyanneteweyî yê cigêrayoxê UCL û Unîversîteya Sassarî ya Îtalyayî mêsê hingimênî yê ameyî dagirkerdiş û yê kolonîyê înan çin o ardê vera yewbînan û netîceyê ci zî kovara Science Advancesî de weşan kerd.

	&nbsp;

	Goreyê nê; mêsê hingimênî demê dagirkerîyê parazîtan de kombîyayîşê yewbînan (dansê cigêrayîşê werdî) merkezê karî de xeylêk tay kerdî.

	&nbsp;

	Tîmê cigêrayîşî heto bîn ra tespît kerd ke wextê dagirkeriya parazîtan de mêsê hingimênî yê ciwanî mêsê hingimênî yê extîyar merkezê karî de ver bi teberî de dehf danê û bi nê rengî xo yewbînan ra agêrênê.

	&nbsp;