'Amancê têkoşînê tutanê ma yê Kobanê de azadîya Kurdistanî bi' 

2021-11-01 13:38:48


	 

	 

	 

	Helîn Asmîn

	 

	ŞEHBA - Dayîkê şerwanê azadîye yê xoverdayîşê Kobenê de canê xo feda kerdî, qalê xoverdayîş û têkoşînê înan kerdî. Dayîkan vatî: "Amancê têkoşînê tutanê ma yê Kobanê azadîya Kurdistanî bi."

	 

	Bi paştdayîşê hêzên herêmî û global, DAIŞî Iraq û Sûrîye de bi des hezaran merdimî qetil kerdî û payîzê 2014 de Kobanê rastê xoverdayîşêk pîl ame. Şarî hemverê çekê giran yê DAIŞî xebitnayîne, xoverdayî,şêk pîl kerdî û herra xo pawitî, bî hêvîya Rojhelatê Mîyanên û heme şaran. Xoverdayîş eynî wextî de bi cewabê  ‘Kobanê ver bi kewtişî de yo' DAIŞ vîndîkerdişo ewil Kobanê de girewt û Kobanê bi nameyê xoverdayîş û paştdayîşê enternasyonel. Bi xoverdayîş û hêvî Rojawan de vila bi, 1ê Teşrîna Peyêne Roja Paştdayîşê bi Kobanê yê Dinya ame îlankerdiş. Sewbîna Parlamentoyê Katalonyayî Îdarekerdişê Xoser bi hawayêke fermî nas kerd. 

	 

	Dayîkê ke tutê înan xoverdayîşê Kobanê de dinyaya xo bedilnayî qisey kerdî.

	 

	'Ozgure hema tutîya xo de hîsê azadî ciwîyayîne' 

	 

	Fayza Xelîl a dayîka pakrewan Ozgure wina qalê kênaya xo kerd: "Ozgure serra 1981 de Heleb de ameye dinya. Ozgure keye de tuta min a tewr pîl bî, 1ê teşrîna peyêne serra 1996 de Heleb de tewrê tevgerê azadîye bîye. Aye tutîya xo de zaf jîyatî bî û ma keye de aye ra zaf hes kerdêne. Ozgure 6 serrî bî ma partî nas kerd. Aye wexto ke qij bî, her tim mîyanê cigêrayîşê ke embazanê xo rê hetkarî bikero têgêrayîne. 15ê Tebaxa serra 1986 de Ozgure pereyê xo vetî, da embazan û înan ra vat, 'no hetkarîyê min ê semedê şorişî yo, ez zî wazena şorişî rê bibî hetkar.' Ozgure her wext wayîrê ruhêke cîya bî. Aye hema qij bî, bi ruhêke azadî ciwîyayîne. Aye wexto 8 serrî bî, Rayber ame Heleb. Ez şîya verê Rayberî û mi Ozgure xo dir berd verê Rayber Apo. Ozgure hema o wext de Rayberî ra vat, 'ez o tewrê şorişî bibî.' A roje Ozgure verê Rayberî de mende û roja bîn agêra keye. Aye vat, 'dayê Rayber Apo' mi ra vat, 'şore wexto ke ti pîl bî, ti do tewrê şorişî bibê.' Dimayê nê beşdarê kar û xebatê kultur û hunerî bî û uca de xebata xo dewam kerd. Heta ke resa serra 9in ê wendegehî."

	 

	'Amancê têkoşînê tutanê ma yê Kobanê azadîya Kurdistanî bi'

	 

	Fayza dewam de wina vat: "Ozgure serra 1996 de qerarê xo de û tewrê şorişê Azadîya Kurdistanî bî. Semedo ke girêdan û heskerdişê Ozgure ya seba Rayber Apo û yê tevgerê azadîye serê heme çî ra bi.  Ozgure roja rojbîyayîşê xo de sozê xo da û tewrê tevgerê azadîye bî. Ozgure bi tewrbîyayîşê xo yê azadîye dir cuyêka newe semedê xo dîne û nê esasî ser o têgêrayîne. No semed ra roja rojbîyayîşê xo verê xo da rayîrê azadî. Ma bi kênaya xo serberzî bî. Semedo ke semedê şarê xo xizmetkar bî, dimayê ke tewrê ci bî, heta serra 2011 de zanayîşê ma ci rê çinbi. Dima ra mektubêke û fotografêke xo ma rê şawitibi. Ê mektubî de rewşa ma pêrûne pers kerda. Reyna dimayê demêk zanayîş ma rê ame dayîş ke Ozgure tewrê şerê Kobanê bîya. Ez semedê kênaya xo zaf kêfweş bîya. Mi ci rê xebere şawit. Mi waştêne ke tena ez panc deqe aye bivînê la mi soz dayo, heta Kurdistan azad nêbo ez o tu wext nêvînî û mi sozê xo bi ca ard. Wexto ke dewleta tirk a dagirker hêrişê Kobanê kerd o wext ma zanê ke şervanê azadîye serkewte bî. 29ê teşrîna peyêne de Ozgure tewrê karwanê şehîdan bî. Ez bi şehadetê aye serberz a, semedo ke wayîrê sozê xo vejîya û amancê aye azadîya Kurdistanî bî. Amancê têkoşînê tutanê ma yê  Kobanê azadîya Kurdistanî bi."

	 

	'Wext o wext o ez bi her tewir pawitişê şarê xo bikerî'

	 

	Nesrîn Cimo ke mêrdeyê aye pakrewan Şahîn Nemir xoverdayîşê Kobanê de dinyaya xo bedilna wina vat: "Mêrdeyê mi Efrîn ra yo, serra 2014 de waştişê xo şi Kobanê tewrê hemleyê şerê Kobanê bi. Wexto ke tewrê şerî bi vat, 'ez o bê tutan bieşkî biciwîyî la bê herre nêeşkena biciwîyî.' Wexto ke hêrişêk bêro sereyê şarê kurdî û herra Kurdistanî, ez nêeşkena vinderî. Semedê nê lazim o ez xo ci de bivînî. Dimayê tewrbîyayîşê ey 1ê Hezîrane de serra 2015 de tewrê kerwanê şehîdan bi. Demo ke ma ey dir qisey kerdêne vatêne, 'ez kêfweş a semedo ke ez welatê xo pawena.' Vatêne, 'wexto ke hêrişêk serê şarê ma de lazim o ma heme bibê yew û welatê xo bipawê. Ez nika cebheyê şerî de pawitişê şarî kena. Semedo ke ewro wext o wext o ke ez bi her hawa pawitişê şarê xo bikerî."

	 

	'Senîn ma Kobanê xelasna ma do wina Efrîn zî bixelisnê'  

	 

	Nesrîne tewr peyîn wina vat: "Şahîn her tim vatêne, 'merdimêk fikr û felsefeyê Rayberê PKKyî Abdullah Ocalanî nas kerdo, helbet herra xo zî nas kerdo û fek herra xo ra vera nêdo. Semedê nê zî mêrdeyê mi pakrewan Şahîn resa sewîyeya şehadetî. Ez û tutê xo ma pê serberz ê. Serê waştişê Şahînî mi ci rê tîlîlî kerd. Mi û tutê xo ma soz dayo  pakrewan Şahînî û heme embazanê ci. Çi ma ra bêro waştiş ma amade yê û ma do serê rêça înan de bê. Wexto ke Kobanê xelisya, mi hêzêk pîl girewt. Semedo ke waştişê ey bi ca ame û ma peynî de vanê senîn ke ma Kobanê xelisna ma do Efrîn zî bixelisnê."