‘Bêrîtane koyan sey eşq û bîyayîşî vînayîne'

2021-10-25 10:06:47


	 

	Hêlîn Asmîn

	 

	ŞEHBA - Endama Koordînasyonê Kongreya Starî ya Kantonê Efrînî Şêrîn Hesen serê cuya Gulnaz Karataş (Berîtan Hêvî) qisey kerd. Şêrîne wina vat: "Bêrîtane koyan sey eşq û bîyayîşî vînayîne.”

	 

	Gulnaz Karataş (Bêrîtan Hêvî) ya PKKyîje 25ê teşrîna verêne 1992 de şerê QDP û dewleta tirkî yê hemverê PKKyî de semedo ke teslîm nêbo çekê xo şiknabi û xo ji zinar ra eştibi. Dimayê o tarîxî ra dima Bêrîtane tarîx de bi têkoşînê her wext ameye vîr. Xeylêk kesan nameyê tutanê xo kerd Bêrîtan û têkoşînê ci rê wayîr vejîyayî. Derheqê serrgera şehadetê Gulnaz Karataş (Bêrîtan Hêvî) Endama Koordînasyonê Kongreya Starî ya Kantonê Efrînî Şêrîn Hesen qisey kerd. Şêrîne bale ant  serê têkoşîn û hêvîya Bêrîtane. 

	 

	‘Bêrîtane hemverê zîhnîyetê îqtîdarî de têkoşîn kerd’

	 

	Şêrîne destpêk de bale ant serê têkoşînê Bêrîtane û wina vat: "Ez sere de şexsê Şehîd Bêrîtane de heme pakrewan û lehengan ana xo vîr. Bi rastî demo ke merdim qalê Heval Bêrîtane keno hîrê çî yenê vîrê merdimî. Yew têkoşînê hemverê zihniyetê serdest ê bi serran o dewam keno û rastîyê cinî. Wexto ke ma ewnîyenê yeno waştiş ke cinî bêhêz û bêmoral bêro verdayîş. Sînor cinîyan rê ameyîne ronayîş û ameyîne vatiş ke ti eşkena na sewîye de kar bikerê. La Bêrîtane hemverê zîhniyetê îqtîdarî têkoşîn kerd û verê xo da koyanê azadan. Aye reyke bîm ewnîyayîşê ke serê cinîyan de amebî ferzkerdiş veng vet.”

	 

	‘Bêrîtane koyan sey eşq û bîyayîş vînayîne’

	 

	Şêrîne wina qalê tevgerê Bêrîtane kerd: "Senîn Bêrîtane verê xo da wareyê azadî, Bêrîtane her hat ra bî nimûneyê cuye. Semedo ke Bêrîtane ko xo rê sey eşq û bîyayîş vîna. Hemverê xeta xîyanetî vinderte.

	Embaza Bêrîtane şexsê xo de xeta xîyanetî bê tesîr verda. Bi taybetî zî xîyanetê o wextî ke mabêne pêşmerge û dewleta tirkî de veng vet. Bêrîtane têkoşîn û vindertişê xo de dîyar kerd ke tu wext xîyanet Kurdistan de bi ser nêkewo û her wext xeta xoverdayîşî do bi ser bikewo."

	 

	‘QDP dişminîyê Kurdan keno’

	 

	Şêrînê bale ant serê xîyanetê QDPyî û wina vat: “Destpêkê tevgerê azadîye ra heta roja ma ya ewro ma eşkenê vajê xîyanetê QDPyî dewam de yo. Sey nimûne; wexto ke Dayikê Aştîye şinê verê sînoran, cenazeyê tutanê xo wazenê, no dîyar keno ke xeta xiyanetî dewam de ya û  heta roja ma ya ewro zî QDP bi kurdan dişminî keno. Nê dir wazenê reyke bîn dewaya kurdan veng vejê. Seba nê paştdayîş dano dişminê kurdan. La bi fikr û felsefeyê Rayber Apo û bi projeyê Netewê Demokratîk kurdî her hat ra vernê de yê. Ma nê şexsê embaza Bêrîtane de vînenê. Aye tena semedê cinîyê kurdan ney semedê heme cinîyê dinya bîya rayber.”

	 

	‘Ma bawerîya xo şehîd û Rayberê xo girewt’

	 

	Şêrîne tewr peyîn wina vat: "Şexsê Bêrîtane û Zîlanan de ma eşkenê her het ra xoverdayîş bikerê. Semedo ke  şehîdê ma rastîyê cinîyan ke se serran o vet werte. Cinîyê ke şer kenê, teslîm nêbenê. Bi îrade û bîyayîşê xo awan kenê. Ma înan ra xo rê nimûne gênê. Destpêkê şorişê Rojawanê Kurdistanî ra heta nika cinîyan her ware de cayê xo girewt û sîstemê xo awan kerd. Bi taybetî zî cinîyan xoverdayîşê YPJ ke hemverê çeteyê DAÎŞî de cayê xo girewtî û seranserê dinya rê bî îlham. Ma hêzê xo şehîdê xo û fikr felsefeyê Rayberê Apo ra gênê. Eke ewro zî ma sey cinîyê Efrînî 58 rojan Efrîn de xo ver da û heta nika zî ma xo ver bidê, ez eşkena vajî ma baweriya xo şehîd û Rayberê xo ra gênê.”