
Meclîsê Îştar: Ganî OPCW wezîfeyê xo bi ca bîyaro 

2021-10-24 14:24:40


	&nbsp;

	&nbsp;

	MEXMÛR - Meclîsê Îştar ê Mexmûrî, bi eşkerayîyêk nuşteyî paştdayîşê xo semedê cinîyê ke bi rayîrê REPAKî name OPCWyî rê nuştî dîyar kerdî ke û vatî: "Ma veng danê OPCW ke berpirsiyartîyê xo wayîr vejîyo û wezîfeyê xo bi ca bîyaro."

	&nbsp;

	Bi hewldayîşê REPAKî çar hetê dinya de 64 cinî û rêxistinan mektubêk nuştî û Rêxistinê Qedexekerdişê Çekê Kimyewî (OPCW) waştî ke bi berpirsyarîyê xo wurzo û hemverê xebitnayîşê çekê kîmyewî yê artêşa Tirkî dest bi cipersayîşê bikero. Meclîsê Îştar ê Wargehê Şehîd Rustem Cudî (Mexmûr) paştdayîşê xo semedê na çalakî hetê REPAK ra ameyo kerdiş û eşkerayîyêk nuşte weşêna.

	&nbsp;

	Meclîsê Îştarî eşkerayî de wina vat: "Dewleta Tirkî bi serran o hemverê şarê Kurdî sucê şerî kena. Şer de tu exlaq nas nêkena û temamê huqûqê şerî binpay kena. Hemverê Kurdan de her tewir hêrişan kena û nê zî meşrû kena. 23yê nîsana 2021 ra hemverê gerîla û Kurdan de şerêko topyekûn daya destpêkerdiş. Nê şerî de her tewir çekî xebitnena. Sere de çekê kîmyewî yê ke huqûqê mîyanneteweyî de qedexe yenê kerdiş. Nê îdîayê ke dewleta Tirkî çekê kîmyewî xebitnena hetê gerîlayan ra ameyo tespîtkerdiş û xeylêk hacetê çekê kîmyewî zî hetê gerîlayan ra ameyo bidestkerdiş.

	&nbsp;

	Dewlet Tirkî na rey vera şarê Kurd û gerîllayê kurdî de şerê vera merdimayî û bêexlaqî kena. Bi serran o bi hewayêke sîstematîk kena. La çi heyf, wexto ke babete bena Kurd û gerîla temamê sazgeh û dezgehê heqê merdiman bêveng manenê û padanê. O wext ma pers kenê, gelo çira nameyê sazgehî dezgehê xo kerdê heqê merdiman? Rexmê ke dewleta Tirkî bi xo nê pêkerdişê Qedexeyê Çekê Kimyewî 14 Çele 1993 de îmza kerdo zî la bi serran o xebitnena, verê çimanê temamê dinya. Sere de dewleta Tirkî, temamê rêxistinê mîyannetewî, sazgeh û dezgehê ke xo bi nameyê heqê merdiman bi name kenê bi xo temamê pêkerdiş û metodê xo binpay kenê.

	&nbsp;

	Raştî de bêveng mendiş, bê helwest mendiş, temaşekerdiş û bêreaksîyon mendiş keno şirikê nê kerdişan. Lazim o temamê dinya vera nê wayîrê helwestî bo. Bi taybetî zî cinîyê kurd û yê dinya. Nê çekê kîmyewî yê ke netîceyê aqlê camêrdê serdest ameyo averbîyayîş serê merdiman de xebitnayîş exlaqê merdimayî nîyo.

	&nbsp;

	Ma sey cinîyê wargehê Şehîd Rustem Cudî (Mexmûr) yê ke bi rîyê Dewleta Tirkî yê hêrişkar û qirkerdox dir rî bi rî mendê û heta roja ma ya ewro zî manenê, veng danê pêro cinîyê kurdî û cinîyê dinya ke dinyayêke bêşer awan Ma hemverê hêrişê Dewleta Tirkî de serê bîyayîş, kultur, nasname û erjê ma yê pîroz bi ca anê ma hêzê xo bikerê yew û hemverê nê vindertiş û hesap Dewleta Tirkî ra pers bikerê. &nbsp;Têkoşîn û xoverdayîşê ma çiqasî bi hêz û pêgirewte bo ma do bieşkê netîceyê girîng bi dest bikerê. Reyna ma veng danê OPCW ke berpirsiyarîyê xo wayîr vejîyo û wezîfeyê xo bi ca bîyaro."

	&nbsp;