
'Perwerdeyê bi ziwanê dayîke heq o' 

2021-10-18 14:57:14


	&nbsp;

	Melîke Aydin

	&nbsp;

	ÎZMÎR - Cinîyê ke qursê kurdî yê HDP û MED-DERî sertîfîka girewtî, do musayîşê kurdî dewam bikerê. Hemsereka MED-DERî Şîlan Elmas Kan, dîyar kerd ke pêwa tay teda û &nbsp;zordarîyan semedê kurdkî vila bibo do têkoşîn dewam bikerê û wina vat: “Waştişê heqê ziwanê dayîke sîyasî nîyo, waştişê heqê merdiman o.”

	&nbsp;

	HDP û Komeleya Kultur û Ziwanî yê Mezopotamya (MED-DER) bi amancê kurdî parlamenter, şêwirmend û xebatkarê partîye bimusnê, 21ê Sibata Roja Ziwanê Dayîke ya Dinya de qursê kurdkî dayî destpêkerdiş û yê ke şî qursan sertîfîka girewtî. Îzmîr de zî bi bernameyêke sertîfîka ameyî teslîmkerdiş. Hemsereka MED-DERî Şîlan Elmas Kan, qursîyere hemsereka HDPyî ya Bucayî Nurşen Ataman û endama partîye Funda Akbulut derheqê perwredeyê kurdkî de qisey kerdî.

	&nbsp;

	Qiseykerdiş qîm nêkeno

	&nbsp;

	Hemsereka HDPyî Bucayî Nurşen Ataman dîyar kerd ke rojane qiseykerdişê kurdkî nîno manaya kurdkî baş yeno zanayîş û wina vat: "Ziwanê ma bîyayîşê ma yo. Ez çar mengan şîya qurs. Mi tay zanayîne la ez nêeşkayîne qisey bikerî. Ez hêvîdar a do dewam de tewr baş bo. Ez keye de tutan dir kurdkî qisey kena. Mi qurs de xeylêk çî musnayî la hema gerek xeylêk çîyan bimusî."

	&nbsp;

	Silamdayîş zî merdiman kêfweş keno

	&nbsp;

	Funda Akbulut HDPyîje dîyar kerd ke kurdkîya endamê partîye xeylêk girîng o û vat: "Ez tirk a, wexto ke embazê mi bi kurdkî qisey kerdêne, mi fam nêkerdêne û înan zî mi fam nêkerdêne. Mi vat, qet nêbo ma silamdayîş bimusê. Mi xo semedê qursî qeyd kerd. Serê zoomî de qurs ame dayîş. Mamoste ma motîve kerdî. Ez xeylêk kêfweş a. Wexto ke şina taxe dayîkan vînena, bi kurdkî vana ti senîn a. No zî mi xeylêk kêfweş keno."

	&nbsp;

	'Waştişê heqê merdiman o'

	&nbsp;

	Hemsereka MED DERî Şîlan Elmas Kan zî wina ercna: "Pêro şar bi ziwanê xo esto. Heqê waştişê kurdkî sîyasî nîyo, merdimayî yo. Tena tirkî, erebî, suryanî, kurdî, ermenî Tirkîya de ciwîyenê û polîtîkayêk zaf nasnameyî û ziwanê HDPyî esto. Nimûne; dayîkê ma, aqilmendê ma xo bi kurdkî îfade kenê. Ziwanê înan kurdkî yo. Ma ziwanê xo nêzanê, ma nêeşkenê xebatan zî bikerê. Xeylêk girîng o ke HDP nê çî sazgehan de vila keno."

	&nbsp;

	'Eke ziwan bêro zanayîş do pawitişê cewherî yê cinîyan zî xurt bibo'

	&nbsp;

	Şîlane tewr peyîn wina vat: "Do qursê kirmanckî zî bêrê akerdiş. Ma çiqasa wayîr vejîyê, do hende serkewtiş bibo. Cinî manevîyatê ziwan û kulturî dewam kenê. Tîya de baro giran serê cinîyan de yo. Cinî her ke xo binaso, ziwan bizano do pawitişê aye cewherî zî hende xurt bo."

	&nbsp;

	

	&nbsp;

	&nbsp;

	&nbsp;