Bi dîmenê tecawuzî ameye tehdîtkerdiş 

2021-10-17 11:08:33


	 

	 

	ŞIRNEX - Qezaya Hezexî ya Şirnexî de A.U û M.A tecawuzê cinîyêka ciwane kerdî. Bi diganbîyayîşî dir serebût vejîya werte. Sewbîna vejîya werte ke cinîya ciwane bi dîmenê tecawuzî dir ameya tehdîtkerdiş. 

	 

	Qezaya Hezexî ya Şirnexî de, camêrdê bi nameyê A. U. û M. A tecawuzê cinîyêka 19 serrî ya bi nameyê H'ye kerdî. Sewbîna cinîya 19 serrî, semedê vîdeoyê ameyê antiş, bi tehdît û şantajî dir zî rî bi rî menda.

	 

	Ame dîyarkerdiş ke H. vernê de bi tecawuzê A. U. dir rî bi rî menda û M. A zî vîdeoyê tecawuzî anto. Dima ra zî M.A tecawuzê H. keno. Dimayê ke H. diganî bena, serebûtê tecawuzî vejêno werte û dezgehê dewletê semedê pawitişê H. gênê verê xo. La dimayê demêk bi waştoşê H. peyser agêrena keyeyê xo.

	 

	Goreyê zanayîşê ke ameyî girewtiş H. hewildaya ke peynîya cuya xo bîyara, semedê nê zî zayîşê rew kena. Heto bîn ra heta nika kerdoxî nêameyî destbendkerdiş û nîno zanayîş ça de yê. Reyna keyeyê kerdoxan hewl danê ke serê serebûtî padê. Nîno zanayîş ke derheqê serebûtî de cipersayîş ameyo destpêkerdiş yan ney.

	 

	Merdima H. ke nêwaşt nameyê xo vaja, ajansê ma rê qisey kerd û vat: "Ma do heta peynî bibê taqîbkerdoxê serebûtî. Bi zanebîyayîş hêrişê bi nê rengî yenê kerdiş, bi taybetî zî hemverê keyeyê welatparêzan nê çî yenê kerdiş. Ma hedef yenê girewtiş û tutanê ma zî xapênenê. Ma nêzanayîne ke digane ya. Ma vatêne qey kîlo girewta. Dimayê ke ma aye berd nêweşxane ma zana ke digane ya. Sewbîna semedo ke derman dayê ci tu çîyêk nîno vîrê ci û vîdeoyî ra zanayîşê ci çin o. Labelê ma fek nê serebûtî ra vera nêdanê.”