
222 rojî yo 'Nobeta Edaletî' dewam kena

2021-10-16 12:47:39


	&nbsp;

	RIHA - 222 rojî yo çalakîya "Nobeta Edaletî" ya Keyeyê Şenyaşarî dewam kena. Keyeyî ewro nê mesajî da: "Ma do pîya edalet bi ca bîyarê."

	&nbsp;

	Keyeyê Şenyaşarî ke hîrê ferdê keyeyî hêrişê merdim û pawitoxê Parlamenterê AKPyî yê Rihayî Îbrahîm Halîl Yildiz ra ameyî qetilkerdiş, 222 rojî yo verê Edliyeyê Rihayî de çalakîya Nobeta Edaletî dewam kena. Emîne Şenyaşar û lajê ci Ferît Şenyaşar semedê peynîya hewteyî, çalakîya xo ya nobete ewro keyeyê zo yê qezaya Pirsûsî de dewam kenê.

	&nbsp;

	Keyeyî serê hesabê xo yê medyaya dijîtalî de nê pare kerd: "Heta ke heq, huqûq û edalet bi ca nêro, ma do têkoşînê xo bêmabên û bi qerar dewam bikerê. Ma do pîya edalet bîyarê."

	&nbsp;