
Cinîyê dewa Elemûnî: Dewe bi keda destê cinîyan xemilyena 

2021-10-14 13:59:12


	&nbsp;

	&nbsp;

	Rojda Aydin&nbsp;

	&nbsp;

	ŞIRNEX - Cinîyê dewa Elemûnê Qilebanî de ciwîyenê, dîyar kerdî ke pêwa zor û zehmetî cuya dewe bi keda destê cinîyan xemilyena. Cinîyê ke hamnanî bi pesdewarî debara xo kenê dîyar kerdî ke her mewsîm goreyê taybetmendîya xo weş o.

	&nbsp;

	Dewa Elemûnî ya Qilebanê Şirnexî nêzdîyê sînorê Herêma Federal a Kurdistanî ya. Cinîyê ke tîya ciwîyenê, her mewsîm bi karêke dir eleqedar benê. Her mewsîm goreyê xo zehmetîyê ci estê û cinî zî hewl danê ke debara xo bikerê. Bi taybetî roniştoxê dewa Elemûnî debara xo bi pesdewarî kenê. Hamnanî ver bi zozanan şinê û zimistanî zî goman de pesê xo wey kenê. Cinîyê ke na dewe de ciwîyenê ajansê ma rê qalê cuya xo kerdî.

	&nbsp;

	Pesdewarî ra heta ramitiş...

	&nbsp;

	Rihan Edîs a 38 serrî Dewa Elemûnî de ciwîyena, sey cinîyê bînan serê sibayî rew dest bi karê roje kena û vat: "Ma debara xo bi weykerdişê heywanan kenê. Bi taybetî mewsîmê hamnanî de ma pes û bizan wey kenê. Ma mast û penîrê ke viraznenê roşenê û pê debara xo kenê. Sewbîna semedê zimistanî zî ma amadekarî kenê. Karê ma yo bîn zî peşmî ya. Ma peşmî risnenê kenê kindir, pûnce û usn. No kulturê ristişî verê ma de aver şîyo. Heto bîn ra m aramitiş dir zî eleqedar benê. Baxçeyê ma de îsot, firingî, xiyar û xeylêk çîyê bînî estê. Ma hem rojane wenê ma hem semedê zimistanî wedarnenê."

	&nbsp;

	'Dewe bi keda destê cinîyan xemilyena' &nbsp;

	&nbsp;

	Rihane dewam de wina vat: "Hamnanî cuya dewa ma zaf weş a. Heme ca zergûnayî yo. Zozanê ma zî namdar ê. Hamnanî ma şinê zozanan. Ma hamnanî û zimistanî pîya kar kenê la zimistanî kar çin o û bi taybetî ma heywananê xo goman de wey kenê. Ma cuya dewe ra hes kenê. Zimistanî wexto ke tîya vewre varena tay zehmet beno. Goreyê mi dewe bi destê cinîyan xemilyena."

	&nbsp;

	'Bi pesdewarî debara xo kenê'&nbsp;

	&nbsp;

	Koçer Olmez (54) zî na dewe de ciwîyena. Qalê cuya xo wina kerd: "Dewe de kesê ke pesdewarî dir eleqedar benê, hamnanî şinê zozanan. Ez zî sey cinîyê bînan serê sibayî rew wurzena, nimajê xo kena û dima ra arayî kena û verê xo dana cayê heywanan. Ez şitê ke ancena kena penîr û mast. Sewbîna ma meşke zî kenê. Bi taybetî ma debara xo bi pesdewarî kenê. Heto bîn ra ma bi taybetî pincarê ke zozanan ra kom kenê, kenê mîyanê penîrî û nê pincarî tehmê penîrî zaf weş kenê."

	&nbsp;