'Ma do sey Hevrîn Xelef azadîya azadîya cinîyan û welatê xo bipawê'

2021-10-12 14:27:50


	 

	 

	Hêlîn Asmîn

	 

	ŞEHBA - Endama Koordînasyona Kongreyê Starî ya herêma Efrînî Ferîde Îbo derheqê serrgera qetilkerdişê Sekretera Pêroyî ya Partîya Sûrîyeya Ameyoxî Hevrîne Xelef de ajansê ma rê qisey kerd. Ferîde vat, komplo ame waştiş ke brêo reynakerdiş û wina vat: "9'ê teşrîna verêne 1998 de bi rayîrê komployêkê dewletê mîyanneteweyî waşrî Rayber Apo hedef bigîrê. No komplo heta ewro bi destê dewletanê hegemonik û dewleta tirkî dewam keno. Bi hêrişê serê Serêkanî û Girê Spî û hedefgirewtişê Hevrîne Xelef zî waştî komplo dewam bikerê.

	 

	12ê teşrîna verêne serra 2019 de serê rayîrê M4 sîyasetmedara cinî eynî wextî de Sekretera Pêrîyî ya Partîya Sûrîyeya Ameyoxî Hevrîn Xelef bî hedefê dafikêke plankerde û ameye qetilkerdiş. Komê girêdayê dewleta tirkî bi şîdetêk pîl Hevrîne Xelef qetil kerdî. Derheqê serrgera . hedefgirewtişê Sekreterîya Pêroyî  ya Partîya Sûrîyeya Ameyoxî Hevrîne Xelef de Endama Koordînasyona Kongreyê Starî ya herêma Efrînî Ferîde Îbo qisey kerd.

	 

	'Bi metodêk wehşî Hevrîne şehîd kerdî'

	 

	Ferîde destpêkê vatişê xo de bale ant serê menga teşrîne verêne ke xeylê kompllo ameyê kerdiş û vat: "Tarîx ra heta nika menga teşrîna verêne de her wext hêrişî ameyê kerdiş û ameyo waştiş ke komployê serê kurdan bêrê reynakerdiş. 9ê teşrîna verêne 1998 de bi rayîrê komployêkê dewletê mîyanneteweyî waştî ke Rayber Apo hedef bigîrê. No komplo heta na roje bi destê dewleta tirkî û çeteyê ci dewam keno. Serra 2019 de zî hêrişê ke serê Serêkanî û Girê Spî zî ameyî kerdiş dewamê koployî yo. Dewleta tirkî waşt ke reyke bîn tarîx reyna bikero û komplo serê şarê kurdî de bikerê. Dewleta tirkî wazena ke kurdan çin bikero û tewr verên cinîyê kurdî kena hedefê xo. Dimayê hêrişê serê Serêkanî û Girê Spî bi ca ame, siyasetmedare Hevrîn Xelef kerd hedefê hêrişê xo. Bi metodêk wehşî aye şehîd kerdî. Hedefgirewtişê Hevrîne Xelef de wehşîtîyê Erdoganî dinya rê yeno neqlkerdiş. Heta nika zî dewletê berpirsiyarî tu helwest vera nê nêmojnayî ra."

	 

	'Ma do sey Hevrîn Xelef azadîya cinî û welatê xo bipawê'

	 

	Ferîde tewr wina vat: "Dewleta tirkî rexmê hêrişê ke derheqê kurdan de kena la reyna zî kînê dewlete taybetî vera cinîyê kurdî esta. Her sîyasetmedarî benê amancê dewleta tirk û çeteyanê ci. Dimayê şehadetê Hevrîn Xelef, Dayê Eqîde, Zehra, Emîne û Hebûn yê ke bi siyasetî dir eleqedar benê zî bî hedefê dewleta tirkî. Nê cinîyan waştêne ke komelêko siyasî awan bikerê. Ma roja yadkerdişê Şehîd Hevrîn Xelef de heme pakrewanê azadîye anê xo vîr. Ma soz danê pakrewananê xo û ma vera kerdişanê dewlete têkoşînê xo girs kenê. Ma do rastîyê wehşetê dewleta tirkî û çeteyanê ci bi dinya bidê eşnawitiş û rastîya cinîyê kurdî û qehremanîyê ci dinya rê vila bikerê. Ma xo vera hemverê dişminî bipawê û têkoşînê xo pîl bikerê. Semedê hedefê ama azadîya cinîyan o. Ma do sey Hevrîn Xelef azadîya cinîyan û welatê xo bipawê."