Kesê ke Îzmîr û Manîsa de ameyî destbendkerdiş ameyî veradayîş 

2021-10-11 12:21:47


	 

	 

	ÎZMÎR - Pêwa nêweşîya kanserî Dayîka Aştîye Şukrîye Kizildag 12 kesî Îzmîr û Manîsa de ameyî destbendkerdiş, ameyî veradayîş.

	 

	Pêwa nêweşîya kanserî Dayîka Aştîye Şukriye Kizildaga 72 serrî 12 kesê bîn 7ê teşrîna verêne de Îzmîr û Manîsa de bi operasyonê hemdemî yê serê sibayî de ameyî destbendkerdiş 3 rojî dima vejîyayî dozgerî. Dima ra kontrolê weşîye kesê ke ameyî destbendkerdiş seba îfadeyê înan ê dozgerî berdibî Edliyeyê Bayraklî û dima ra dozgerîya nobedar îfadeyê înan girewt, ameyî veradayîş.

	 

	Dayîka Aştîye Şukrîye dîyar kerd ke wexto destbendkerde bîya dermanê aye dima ra resayî ci û vat: "Telefonê ma xora verê înan de esto. Ez eşkayîne şêrî û mi îfade bidayîne. Serê sibayî eştî serê keyeyî, kitabê mi vila kerdî. Hacetê mi eştî erd. Ma ra vanê, çira şima bîyê endamê EGE-TUHAYDERî. Tutê mi tepişteyê.”