'Ma azadîya rayberê xo wazenê'  

2021-10-09 16:04:49


	 

	WAN - Cinîyê Mehmûdîyî (Saray) yê Wanî  reaksîyon vera tecrîdo ke serê  Rayberê PKKyî Abdullah Ocalan de yeno dewamkerdiş dayî û vatî: "Ma azadîya Rayberê xo wazenê."

	 

	Rayberê PKKyî Abdullah Ocalanî bi komployêk mîyanneteweyî 9ê teşrîna verênde 1998 de mecbûr mend Sûrîye ra vejîyo û 15ê Sibata 1999 de teslîmê Tirkîya ame kerdiş û ser ra 23 serrî derbaz bi. Cinîyê qezaya Wanî ya al Mehmûdîye de ciwîyenê, dîyar kerdî ke tecrîdê serê Rayberê PKKyî hema dewam keno û reaksîyon ramojnayî.

	 

	'Cinî her wext do rayberê xo bipawê'

	 

	Selma Boguk dîyar kerd ke ganî semedê edaletî têkoşîn bêro kerdiş û vat: "Abdullah Ocalan kesêk rêze ra nîyo. Semedê kurdan û cinîyan xeylêk girîng o. Ma paradîgmayê azadîya cinîyan ra hêz gênê. Tecrîd hema wina bixo nêeşkeno wurzo. Ganî têkoşîn bêro dayîş. 23 serrî yo tecrîd esto. Semedo ke tecrîd wurzo rolêk pîl keweno serê milê cinîyan. Cinîyê ke 23 serrî yo rayberê xo pawenê do tîya ra tepya zî bipawê."

	 

	'Ma bi têkoşînê xo serberz ê' 

	 

	Hamîde Ozay zî wina vat: "Ma heqanê xo wazenê. Ma pey rayberê xo yê. Wexto ke yewîya kurdan bibo, ma do biresê azadîya xo. Rojê weşî nêzdî yê. Ma azadîya Rayberê xo wazenê. Ma bi têkoşînê xo serberz ê."

	 

	Cinîya bi nameyê Hazal Ozay zî kurdî pîya tênêgêrenê û vat: "Ganî her kes destê xo bido serê wijdanê xo. O wext do îqtîdarê Erdoganî bivuryo. Do kurdî azad bê. Ma pîya têkoşîn bikerê, do kurdî azad bibê.

	 

	Yildiz Çalişkan zî wina vat: “Heme derdê ma Abdullah Ocalan o. Abdullah Ocalan ruhê ma yo. Ma ci ra zaf hes kenê. Ganî şarê kurdî bibê yew. Bi çend serrî yo ma ci ra xeberêk nêgînê. Wa tecrîd wurzê. Êdî bes o.”