
Tulay Hatîmogullari: Polîsan waştî bi zor bikewê zereyê keyeyî 

2021-09-28 14:32:19


	&nbsp;

	&nbsp;

	ENQERE- Hetkara Hemserekanê HDPyî Tulay Hatîmogullari ard ziwan ke roja îneyî di kesanê ke xo rê vat polîs ameyî verê berê aye û înan zor da berî. Tulay Hatîmogullari vat: ''Asayîşî hema zî derheqê babete de eşkerayîyêke nêdaye.''

	&nbsp;

	Hetkara Hemserekanê HDPyî û Wekîla HDPyî ya Adana Tulay Hatîmogullari derheqê xîretê hêrişê vera ci de Merkezê Pêroyî yê HDPyî de kombîyayîşê çapemenîye kerd. Hetkarê bînî yê Hemserekanê HDPyî, wekîlî, Heyetê Rayberdişê Merkezî û Endamê Meclîsê Cinîyan tewrê kombîyayîşî bîyî.

	&nbsp;

	Tulaye &nbsp;wina qala serebûtî kerde: ''Îneyê verî di kesê bi çeke ameyî verê berê mi û înan ver cina. Mi înan rê ber anêkerd. La di kesan vat 'Ma polîsê sivîlî yê' û zor da berî ke abibo. Mi vat ez wekîl a û do xebere bida asayîşî. La înan israrê xo rê dewam kerd. Ez gêraya embazanê xo yê partîye, ma xebere daye asayîşî. O çax ê verê berî ra şîyî û ver bi Esat Dortyolî şîyî.''

	&nbsp;

	Tulaye da zanayene ke înan asayîş, dozgerîye û Meclîsî rê muracat kerd la dozgerîye waştişnameyê gerreyî nêgirewto.

	&nbsp;

	Tulaye, dîyar kerd ke no serebûtêk &nbsp;“munferit” nîyo û eke Enqere de serebûtêk wina qewimyeno û nêeşkenê vejê werte nê serebûtî û tedayî nêeşkenê înan rê game peyser bidê eştiş.

	&nbsp;