Cenevre de panelê cinîyê kurdî ame organîzekerdiş 

2021-09-24 15:17:55


	 

	 

	MERKEZÊ XEBERAN - Cinîya efrînije ya ke tewra panelê Kampanyaya '100 Sebeban' a TJK-E bîye vatî, ê tacîz û tecawuzî dir rî bi rî mendê û Asya Abdullah zî da zanayîş ke serrêke de 105 cinî ameyê qetilkerdiş û 189 cinî ameyê remnayîş. 197 cinî bi bombevaranan dinyaya xo bedilnayê û 182 tutî zî ameyê qetilkerdiş.

	 

	Semedê muhakemekerdişê Serekkomarê Tirkîya Erdoganî TJK-E Kampanyaya 'Semedê Muhakemekerdişê Dîktatorî 100 Sebebî' dabî destpêkerdene. Panelê kampanya şaristanê Cenevre yê Swîsre de hetê TJK-E û MAAT For Peace (Semedê Haştîye MAAT) û Kulubê Îrtîbatî yê Geneva ra ame kerdene.

	 

	Panel bi moderatorîya Dr. Manuele Honegger dest pêkerde. Panel de Marione Boker, Dîrektorê Fight For Humanity Anne Kristin Sjoberg, Endama Koordînasyonê Meclîsê Cinîyan ê Rojawanî Asya Abdullah û Vervatoxa Têkilîyan ê Mîyanneteweyîyan ê TJK-E Melîke Yaşar tewrê panelî bîyî.

	 

	Panel hetê bînî ra çarçewa roniştişanê heqanê merdiman ê 48. ê Neteweyanê Yewbîyayeyan (NY) de ame kerdene.

	 

	Vervatoxe Melîke Yaşar verî qisey kerd û da zanayene ke Erdoganî 18 serran de vera cinîyan bi taybetî cinîyanê Efrînî xeylêk sûcî kerdî û bale ante tecawuzanê cerganê Erdoganî yê vera cinîyanê Efrînî. Yaşare pare kerd ke înan de pêro delîl û dokumentê nê sûcan estê

	 

	Dima tay kesî pê rayîrê online tewrê panelî bîyî û înan sûcanê Tirkîya û Erdoganî ser o qisey kerd. Nînan ra cinîyêka efrînije vat ke her ke şino sûcê vera înan zêdîyenê û ê wazenê abigêrê Efrînî.

	 

	Asya abdullah qala qirkerdiş, remnayîş û tecawuzanê vera cinîyanê Efrînî (2020-2021) kerde û îfade kerd ke meseleya înan a verên a ke ganî verê nê sûcan bigêrê. Marione Boker vat: ''Pê mektubêke şermezarkerdişê nê sûcan çîyêkî çareser nêkeno. Ganî ma têbigêrê.''

	 

	Dima panel pê beşê persan û cewaban qedîya.