Roja 198ine ya nobeta ‘Edaletî’ de veng dayî avûkatan  

2021-09-22 14:18:56


	 

	 

	RIHA - Emîne û Ferît Şenyaşar roja 198ine ya nobeta 'Edaletî' de vebg dayî avûkatan.

	 

	Çalakîya Nobeta Edaletî ya Keyeyê Şenyaşar ke 9ê adare de dayê destpêkerdiş, kewt roja 198ine. Emîne Şenyaşar û lajê xo Ferît Şenyaşar reyna Pirsûs ra ameyî verê berê Edliye û quncê xo yê edaletî de niştî ro û dest bi nobete kerdî. Keyeyî semedê çalakîya xo ya 24ê êlule de roja îne bikewê roja 200î avûkat û welatiyê ke şinê edliye û vejîyayîne xeberdar kerdî.

	 

	Veng dayî baroyan

	 

	Keyeyî serê hesabê xo yê medyaya dîjîtalî de baroyê Stenbol, Îzmîr û Enqereyî etîket kerdî û no mesaj pare kerd: “Dayîkêke 6 mengî verê edliyeyî, seba mêrde û tutê aye nêweşxane de ameyî qetilkerdiş, edalet wazenê. Dinya qêrînayîş û vengdayîşê ci eşnawit. Ma do roja îne bi pawitişî nê bêedaletî ra vajê bes o.”